VICTORIA IMPORTANTE EN CARBALLIÑO....Feás 5- En Xogo 6

Partido de alta tensión na central de Carballiño, o Feás vendeu cara a derrota amparado nos seus porteiros e no autobús que puxeron diante da súa portería.
O partido foi coma o asalto a unha  fortaleza, os rivais fixéronse fortes na liña de 9 metros,defenderonse con uñas e dentes e lanzaron unhas contras moi rápidas, que nos fixeron moito daño.Fomos sempre a remolque no marcador e iso beneficiaba o seu xogo;rematamos a primeira parte perdendo 2-1, despois de estrelarnos contra o porteiro e os paos,  puxeronse 3-1 nada mais comezar a segunda parte, e acabaron perdendo 5-6 a falta de 2 minutos, xusto premio para a nosa fe e intensidade.
Penso que nos equivocamos na forma de atacar o muro que nos plantexaron, moitas xogadas individuais e pouco xogo, movemos o balón lento, moi lento,con demasiada condución...e replegamos ainda mais lentos,  as súas contras foron mortais.
Os rivais forman un equipo moi complicado, con 3 ou 4 xogadores de moita calidade, veteranos e que saben de que vai este xogo, pero onte non tiveron mais remedio que defenderse, e fixérono moi ben, con moita intensidade e moitas axudas...a miña dúbida é se defenden sempre así, ou é porque era o En Xogo?.....Se o ano pasado gañaron a liga foi por algo!!!!
Os arbitros, sen influir directamente no resultado, non deixaron contentos a ningún equipo...de todos xeitos era un partido moi complicado de arbitrar..


Próximo partido contra o Sobrado na Carballeira...partido complicado, e confiemos en que teñamos mais xogadores dispoñibles...

BOS SAMARITANOS 8 - LASIDER 7......sempre facendo amigos

Comeza o partido co dominio, coma sempre, do noso equipo, e rapidamente puxémonos 2-0, bo xogo e ocasións en 19 minutos da primeira parte que  levaron o marcador ata un 5-1 contundente.... o que pasou no último minuto é un expediente X, dous "regalos" apretaron o marcador ata o 5-3 do descanso...había que darlle emoción...????

Na segunda parte comezamos mandando de novo e impoñendo o noso xogo, moito balón e dous goles mais colocaron o marcador nun 7-3 case definitivo, o contrario estaba resignado a súa sorte....pero, cando faltaban 9 minutos co partido controlado e dormido....comezou o noso recital, primeiro un penalti inexistente e deseguido un carrusel de despropósitos levaron o marcador a un empate 7-7 faltando 4 minutos........q pasou neses 5 minutos???    está o CSI investigando ..... volvemos apretar, e Tizón( 5 goles) decidiu o partido cun gol marca da casa 8-7, despois sacaron porteiro-xogador e tivemos dúas ocasións claras, pero....gústanos o perigo.

Volvemos vivir no arame...os regalos sobran. Un penalti, por moi discutido que sexa, non nos pode sacar dun partido que tiñamos que gañar coa gorra....Defendemos coa vista e baixamos os brazos pensando que o partido estaba gañado...Quizais xa non temos o espíritu asesino para matar ao rival  moribundo, mais ben parecemos misioneiros, facendo amigos e regalos....Ter so dous cambios é un atenuante, pero non pode ser unha escusa..

 En contra nosa é moi doado pitar....Para min(sei que o árbitro non estará dacordo comigo, porque é apreciación), dous erros que nos puideron costar o partido: o penalti inesixtente (o rival preguntaba : "que pitou?") e a retención de balón ( moi clara, eu estaba a un metro) no chan ao borde da nosa área foi previa a unha "posible" patada do noso xogador( débese pitar a primeira infracción), faltaba 1 minuto ..... arbitar é moi complicado, eu creo na súa imparcialidade, ainda que as veces me fagan dudar... Sempre intento entender o porque das súas decisións, creo no diálogo, e considérome unha persona correcta, pero non todo o mundo é igual; hai uns poucos partidos, un xogador rival tiña que ser expulsado, e perdoáronlle a clara expulsión...dous partidos despois agrediu a un árbitro....Hai cousas que non se poden tolerar, e unha cousa é protestar e outra a mala educación e os malos modos...por iso hai cosas que non entendo.

Próximo partido en Carballiño diante do Feás, rival complicado, sempre se nos deu ben pero nese campo sempre houbo factores externos que non podemos controlar...

VAIA PUNTERIA..!!! victoria 2-5 diante do Retiro

Non andamos finos cara o gol dende hai varios partidos, ( Tabodela, ES, Pijú, Retiro ), oportunidades  incontables e infinidade de remates que non conseguimos meter na portería.

O partido de onte foi algo así....se este xogo fose darlle ao porteiro houbesemos metido moitos goles....porque o rapaz fixo moitas paradas de mérito, pero cantas lle tiramos ao corpo, a cabeza, ao traseiro, ao tobillo , as mans??...esquecemos que este xogo consiste en meter a boliña na portería; e de vez en cando rizamos o rizo, adornándonos...pero en xeral o xogo foi fluido, con bos movementos.

Non se podía creer que fosemos so 0-1 na primeira parte, e que faltando 5 minutos se puxesen 2-3, o marcador era apretado pero non o xogo nin a sensación de perigo........ o certo era que os nosos erros puidéronnos levar a complicarnos o partido....Esperemos recuperar a puntería pronto.

O rival, ben pertrechado atrás, fixo o seu partido, e ao final asustounos......son moi boa xente, compiten noblemente,e danlle sentido a que isto é un deporte, e que ao final o que te levas de isto son os amigos...

Os colexiados na súa liña, non deixan contentos a ninguén......cando se daran conta de que os protagonistas disto son os xogadores e non eles???. de todo este circo son os únicos que cobran..

ÁNIMO AVÓS....!!!!!

Foi un partido malo,moi malo...pero só un partido. Din que as mellores plumas fan un borrón de vez en cando, este foi un borrón...porque podemos perder,claro que sí, pero non así....así non...

Si é certo que nos faltaba moita xente importante (Luis Angel, Tizón, Marcos, David, Santi.....), que algúns xogamos coxos(Sabucedo, Kike..)e que outros volvían ao equipo despois de moito tempo(Suso, Oscar Gil....) pero non vale de escusa porque o rival estaba igual ou peor.... tiñamos que competir mellor, moito mellor...
Este equipo ten unha historia longa e chea de feitos que, cando te acordas deles saeche un sorriso...esto é o mellor que me levo eu do futbol sala, xunto cos amigos. Estamos acostumados a vivir (xogar) o borde do arame con moitos partidos ao límite, sobre todo na copa( en 9 anos: 3 titulos, 2 finais,3 semifinais, 1 cuartos....) aparte das ligas....
Quero decir con isto, que estamos acostumados a gañar, e non  a perder, e polo tanto quédanos un regusto amargo na derrota......Perdemos partidos, ligas, copas, e aquí seguimos, con mais de 40 tacos, xogando cada semana ata que o corpo aguante...e seguiremos gañando e perdendo partidos( non podemos gañar sempre), pero sempre debemos sair do campo coa sensación de que o demos todo....Se non fosemos tan competitivos, con estes anos, xa non estariamos aquí.....
Coñézovos ben e sei que non teño que animar a ninguén, pero isto digoo sempre..... ÁNIMO AVÓS    

VICTORIA DO "PIJU" 3-6 POR INCOMPARECENCIA DO "EN XOGO"

Non se presentou a xogar o En Xogo diante do Pijú.Apareceron na Carballeira dous equipos, un vestía de negro, eran poucos e un estaba coxo; e o outro equipo vestía de azul, ao comezar parecían os do En Xogo, pero os poucos minutos descubrimos que eran uns impostores.......onde estaban os orixinais???, ainda agora non se sabe deles, é un misterio.....
Os de negro xogaban o trote, porque lles ía ben, tiñan algún coxo......e os de azul case dan dous pases seguidos unha vez.....lamentable; non foron nin capaces de correr para desgastar aos de negro.
Din que os de azul tiñan moitas baixas.....é que??? os de negro tiñan mais. En resumo pouco que comentar dun partido da terceira local (que xa non existe)..entre dous históricos das ligas ourensáns.¿A que deporte  xogaron?...Nin idea

Próximo partido en Outomuro diante do Retiro.......esperemos que esta vez se presenten a xogar os de azul

VICTORIA 2-7 EN CELANOVA diante do ES 2001

Presentábase un partido difícil  en Celanova, rival duro e nós pouca xente, pero resultou que eles estaban mais xustos ca nós, e nós recuperamos algún xogador a última hora..
O partido empezou cun gol fallado a porta baleira (isto sóname de algo...)...e así seguiu, imprecisións e mais imprecisións; que se perdo un pase, que se regalo un balón, que se non replego, que se fallo unha ocasión, que se fallo outra...e chegamos ao descanso con 0-2, pero o mellor xogador noso foi Congui, con dúas ou tres paradas de mérito, e  deles tamén o seu porteiro...A segunda parte non foi moito mellor,pero parecía que queriamos xogar algo mais e aos dez minutos iamos 0-5, entón empezamos a sestear, e con dous regalos 2-5  apretamos algo o marcador....Eles, con cinco xogadores e varios tarxeteados, xogaron a ruleta rusa...primeiro nun remate de volei perdonáronlle a segunda a Iglesias (dixeron os colexiados que fora involuntaria.....jaja) e despois, ao mesmo xogador, cun agarrón xa non puideron perdonarlle a segunda, a falta de seis minutos..eles sen cambios e cun xogador menos encaixaron dous goles mais, e a falta de tres minutos con outra expulsión e unha lesión rematou o partido.....


Gustoume: a implicación dalgúns xogadores co equipo, porque a pesar das cargas familiares e diferentes problemas personais, fixeron un oco para vir xogar


Non me gustou nada, nada, o xogo do equipo.Había tempo que non xogabamos tan mal, de feito non xogamos a nada; o xogo parecíase moi pouco ao fútbol sala que facemos ou intentamos facer a maioría das veces.


Próximo partido contra o Pijú, casi nada, para min, é o equipo, xunto co noso que mais calidade atesora nos xogadores, un superequipo, que non está mais arriba porque lles pasa coma nós, cumplen anos e hai demasiadas cargas familiares....en condicións "normais" ( dispoñendo sempre dun mínimo de xogadores) estarían moi arriba. Un equipazo, que xoga coma poucos a futbol sala
 O partido sérá o sábado na Carballeira 

PARTIDO INTENSO NA CARBALLEIRA .......1-1

Partido entre dous estilos moi diferenciados, entre dous equipos moi diferentes no xeito de interpretar o fútbol sala...un, no que a base é o balón e outro no que a base e a intensidade e a condición física...os dous respetables, eu creo mais no primeiro, pero respeto os dous.

O partido podo resumilo na primeira xogada, xogada de saque de centro( que facemos dende os anos 90..que vellos imos!!!!!), Temes entra escorado na área, só diante do porteiro; pode elixir pase pero elixe tirarlle unha picadiña ca esquerda a Alex...quero decir con isto, que chegamos ben a porta pero definimos moi mal; os paos (catro paos) e porteiro tamén xogan.....e Alex estivo soberbio. Se fose boxeo houbesemos gañado aos puntos, pero neste xogo hai que meter a boliña.

Os primeiros 10 minutos foron un monólogo, diante dun rival que se limitou a defender diante da súa portería...quizáis esperabamos algo mais de risco, de ir a polo partido, pero unha cousa é decilo e outra é facelo...soamente se acercaron nalgunha contra aislada, mentras Alex fixo 3 ou 4 intervencións de mérito..
Colocámonos 1-0 e seguimos arriscando en busca do segundo; pero na recta final da primeira parte, sacudironse un pouco o dominio e achegáronse mais veces a nosa portería...

A segunda parte comezou moi igualada, eles apretaban e nos non dabamos atopado o balón..cando o atopamos de novo, xogamos bos minutos, pero non atinamos a marcar para sentenciar o partido.. soberbia a man de Alex abaixo a tiro de Tizón...Sacaron porteiro xogador, pero non o xogaron moi ben( de feito tivemos 3 ocasións claras para matar o partido..."vaia caraja"!!!!) pero convertiron o partido nun correcalles que non soubemos correxir e tiveron duas ocasións seguidas para empatar, conseguírono na segunda, a falta de 2 minutos e medio... ainda tivemos algunha ocasión mais, pero non era o noso día...Rematamos o partido con cerca de 40 tiros a portería, e un so gol....outro día será..

Fallamos moito na transición defensiva, pero sobre todo na definición....increíble para un  equipo que xa leva mais de 100 goles, dominamos pero non fixemos un xogo brillante e fluido(mérito dos rivais)

O rival,(que maneira de correr!!!!) moi intensos e cunha grande condición física, fixeron unha excelente defensa, e moitos dos nosos fallos foron  provocados por esa defensa. Replegábanse moi rápido e fixeron moitas axudas defensivas, vitales para manterse dentro do partido e rematar empatandoo.En ataque destacar as súas contras rapidísimas, fallan no xogo posicional con moita condución de balón e pouca circulación( pero todo isto e mellorable con adestramento).É un equipo que ten bos mimbres e moita marxe de mellora...ánimo e adiante..Espero que non sexa flor dunha tempada todo isto (polo ben do futbol sala)....

Gustoume: a limpeza do partido por parte dos dous equipos durante o partido, obviando calquera roce propio do xogo e deixando en mal lugar a aqueles que intentaron quentalo durante a semana....Isto non é mais ca un xogo, un pasatempos!!!!!, polo menos para nós

Non me gustou: os insultos por parte da afición aos nosos xogadores, por moita pasión que teñas, non se debe faltar ao respeto a ninguén e menos dentro destas categorías...nos tamén tiñamos xente nas gradas, pero non abriron a boca...claro que, todo vai na educación que ten cada un.So pido RESPETO

O que me esperaba: a arbitraxe dos dous xefes da federación, son bos arbitros, de categorías superiores, polo tanto moi listos, con 1-0 na segunda metade e 5 faltas o rival, por duas ocasións tragáronse o silbato, que diplomáticos, que correctos!!!!e que disparidade de criterio!!!! molestan as nosas victorias o colectivo arbitral???queren que nos marchemos???...Se non fose polo noso equipo, polo Pijú, o Barros (agora en Autonómica)  o Feás, etc...que sería do futbol sala base ourensán?????.....Alá eles, pero van ter que rillarnos..Dubido que algunha das novas xerazóns chegue xogando aos 40 anos, e moito menos estando tan arriba.De todos xeitos non tiveron a culpa dos nosos erros..

Isto acabouse, so foi un partido mais, un de tantos(polo menos para nós), queda moita liga e moitos rivais dificiles.

Próximo partido en Celanova contra o ES 2001, a ver se xuntamos xente suficiente, porque temos que atender aos nenos, a muller e o can, e algúns, estanos matando o reuma.......Ánimo avós.

BO PARTIDO EN CEA......1-7 diante do Barreras

Acostumo a ser bastante esixente co noso xogo, pero hoxe gustoume o que vin...(bo futbol sala) diante dun rival traballado e incómodo que quere xogar a "futbol sala", intentaron algúns movementos sencillos; non lles sairon pero intentárono..... Oxalá que sigan intentando xogar así e que todo lles vaia ben, porque estes equipos mereceno porque fan algo polo fútbol sala.....o que lles pasou foi que eles están acostumados a ter o balón e hoxe tiveron que correr moito detrás de él, esa foi a clave do partido, a nosa alta posesión do balón e a profundidade no ataque. Moita sorte e ánimo aos do Barreras.
Curiosamente, xogamos moi ben a pesar de non ter nin a Tizón nin a Santi,quizais sexa por que os demais imos vellos..jeje, e temos que asociarnos mais aredor do balón....

Próximo rival, o Taboadela, un rival complicado e que xa na primeira volta nos puxo en moitos apuros....Para min é o equipo revelación da liga, son rapaces novos e con moita ilusión de seguir mellorando e xogando a este deporte...un deporte que está moi necesitado, na nosa cidade, de xente nova que queira xogar a este deporte....
Partido o sábado na Carballeira, hora sen determinar.

VICTORIA DIANTE DO VISTAHERMOSA 7-5

Deixei pasar un tempo para escribir sobre o partido de onte, para calmarme un pouco.... Resumen:

• ARBITROS: un esperpento....non comentarei as súas palabras por vergoña...alucinado quedei.
• NÓS: xogamos un partido bastante completo en ataque (tiramos nove paos), porque a pesar de "todo" gañamos.Na segunda metade co 6-2 deixámonos levar= falta de concentración
• RIVAIS: Foi un rival duro, se xoga así sempre salvárase...ben organizados e intensos, en ataque volveronse previsibles polo xogo demasiado individual dalgun xogador.....espero e desexo que se salven.
• A nota negativa foi a lesión de Tizón....esperamos que se recupere pronto..

Próximo partido en Carballiño ( botarse a temblar despois do visto onte) contra o Barreras

PARTIDO ESPESO EN PADRENDA.....4-5

Primeiro partido do ano; mal xogo, moi espeso, moi lentos e con poucas ganas, apáticos....O mellor do partido foi o resultado, cometemos demasiados erros na circulación de balón, con moitas perdas que motivaron contras moi rápidas e moi perigosas, e nos replegamos moi lentos... A presión tamén foi mala: a primeira liña mal colocada e lenta na presión ao balón, e aos de atrás gañaronlle as costas moitas veces; todo isto por defender coa vista e xogar as adiviñas( intentar adiviñar onde van dar o balón), mala anticipación......Despois de perder a primeira parte 3-2, na segunda fixemos propósito de enmenda...pero curiosamente foi David o que nos mantivo no partido con dúas paradas de mérito.....¿por qué gañamos entón?...porque no intercambio de golpes, na definición, temos mais calidade ca maioría dos equipos da liga.......Foi un aviso, temos que recuperar o rumbo....
O rival, a verdade, é que non sei como vai de último: moi ordenados, rápidos e aproveitando moi ben os seus recursos nas contras....
Vindeiro partido o sábado na Carballeira, contra o Vistahermosa fs.