LASIDER 4 EN XOGO 4....¿?

A verdade é que tiña o comentario sobre o partido, pero iso é o menos importante.

Gústame o fúbol sala, levo nel dende que moitos rivais desta liga non naceran...pero empézome a cansar, e o vivido o sábado foi un paso mais para deixar todo isto.....Pensei que o tiña visto todo por eses campos de España adiante...pero non é así, sempre te poden sorprender.

Pero onde pensa a xente que xogamos ??..Esta é unha categoría de mala morte no fútbol sala, para divertirse e matar o gusanillo...isto fai que non entenda moitas cousas, moitos comportamentos..... Gañar,sí.......pero non a calquera precio...."O fin nunca debe xustificar os medios"

Noutro tempo, noutras categorías e nos peores campos, en canto a presión ambiental me refiro, tiven que aguantar moitas cousas; pero nesta categoría....non por favor, na miña cidade....non por favor; todo ten un límite.......... Agora, iso sí, retroceder, nen para coller impulso.

Para min os árbitros consinten moito,e iso non axuda a facer unha liga mellor...non digo que o fagan sempre mal, non.. digo que a arbitraxe ten que ser igual de dura ca en liga nacional...evitariamos moitos problemas, e moita crispación......polo menos por parte do noso equipo.
Podo protestar e incluso discutir cun árbitro, pero escupirlle, amenazalo, e amagar con agredilo....nunca.....Se algún día me pasa non vou mais a un campo.

 

Na liga: Ponte segue intratable no seu man a man coa Veiga.. a Bull ven coma un tiro, Galipán e En Xogo tropezan, pero..... a liga é  moi larga 

EN XOGO 8 - BEARIZ 1

Partido no que comezamos encaixando o único gol que recibimos no partido, nunha xogada un tanto rara despois dun saque de banda. A partir de aí tomamos o mando do encontro e xa non lle demos opcións ao rival.

O rival é un equipo rápido, cun xogo moi directo; creáronnos problemas ao principio de cada parte, despois co paso dos minutos fóronse diluindo.

Nós tivemos bos minutos de intensa presión e minutos de siesta e relaxación.

Os árbitros correctos, sen problemas.

A liga deixounos como destacable a derrota do Galipán diante da Bull, un equipo sempre complicado, sobre todo na súa cancha.

AVION 2 - EN XOGO 6

Partido sen moita historia o xogado en Avión; dominamos dende o principio con moitas ocasións e facendo un xogo combinativo bastante aceptable....pero non foi un paseo, o Avión sempre resulta un rival incómodo e mais naquela pista, corren e fante correr.

Os árbitros: Ben, sen problema e sen complicarse a vida pitando cousas absurdas como fan tantos.

O rival: vai ter problemas para manter a categoría, a baixa do seu mellor xogador para o resto da tempada, vaille supoñer un gran problema.

Nós: Melloramos algo o noso xogo, pero tamén penso que o rival baixou os brazos e nos deu moitas facilidades.

A liga deixanos ao Manzaneda en caida libre, tres partidos perdidos seguidos... Como xa advertira hai unhas semanas había que esperar aos "toros bravos" para ver o seu verdadeiro nivel..  Moita igualdade nos 5 primeiros...Quedame a dubida se os da Veiga aguantaran toda a tempada a este ritmo...O Ponte é o máximo favorito....solo polo que adestran xa ten moito gañado.

Decir que o partido Peares-Andrade non se disputou porque os arbitros chegaron media hora tarde a cancha. O equipo do Andrade decidiu non xogar e dende este blog quero darlles o meu apoio.
Se chegamos cas fichas tarde somos sancionados...hai dúas semanas na Rúa chegamos cinco minutos antes de empezar o partido ( tivemos unha viaxe complicada), foi recollido en acta e seremos multados.
¿ E agora qué? ¿Quen paga os gastos da viaxe do Andrade?...Deberían deducirlle os gastos da viaxe do arbitraxe que deben pagar. Se nos esixen, deben cumplir.

EN XOGO 10 - MANZANEDA 4......DUAS CARAS

Duas caras foron as que amosamos neste partido, duas moi diferentes.

A primeira parte non foi boa,o rival puxo un ritmo moi alto de xogo, non defendemos ben a estratexia e non impuxemos o noso xogo, ainda así fallamos dous 10 metros e dúas ocasións diante do porteiro, pero rematamos perdendo 2-4.

Na segunda parte fomos un equipo mais parecido ao que somos nós.....non nos sorprenderon na estratexia, defendemos mellor e fomos mais resolutivos en ataque; igualaronse as forzas físicas e foi entón cando impuxemos a nosa maior calidade individual.Nos primeiros 10 minutos da segunda parte volteamos o marcador, e colocámonos 6-4, amparados nunha boa defensa e unha maior efectividade en ataque.Nese momento intentaron atacar de cinco, pero estivemos moi acertados na presión en primeira línea e resolvemos o partido...

Os rivais: Eran líderes por méritos propios, teñen un gran desplegue físico e intentan poñer un ritmo alto de xogo, cando se lle acabou a gasolina naufragaron. Ben na estratexia, nótase o traballo...teñen bos conceptos de fútbol sala.

Os árbitros: Non podería calificalos, a verdade é que intentaron controlar o partido pero non foi doado.

Nos: Quédome coa defensa da segunda parte....a actitude e a presión ao balón.....Destacar a Tizón con 5 goles.

 

O peor do partido foron as lesións, Luis Angel cunha rotura de fibras...pero sobre todo a do nº 9 do Manzaneda Adrián Hervella...cunha rotura do Tendón de Aquiles, da que xa foi operado e lle desexamos unha pronta recuperación. Ánimo.

 

A liga coa derrota do líder igualase mais..con cinco equipos metidos na loita.

 

A VEIGA 9 - EN XOGO 7...SEN CONTROL

Partido estrano o xogado na Rúa, chegamos xustos de tempo, e con ausencias importantes.Perdemos, pero tamén puidemos gañar ou empatar vistas as ocasións falladas...O partido comezou mal, mentras na súa portería fallamos ata 5 man a man co porteiro, eles cada fallo noso castigarono con gol...Na segunda parte cando xa parecía que tiñamos o partido perdido demos un arreón e estivemos cerca de empatar, pero volvemos errar en xogadas decisivas.
O rival: Ten dous xogadores que están entre os 5 mellores da liga, cada fallo penalizano moito...isto é calidade na definición. Segundo nós chegamos diante do porteiro e fallamos moito eles poucas fallaron e as que non meteron foi por acerto do noso porteiro.Son un equipo alegre no xogo, intentan facer bos movementos....pero descoidan un pouco a defensa. Claro que co acerto que ten cara a portería alcanzalles para gañar.Xustos vencedores
Os arbitros: Ben, sen problemas, sen complicarse a vida.
Nos: Entramos no seu  xogo de ida e volta, non fomos capaces de parar o partido e acusamos as baixas de un par de xogadores que si nos axudarían a calmar e levar o xogo ao noso estilo...horribles defensivamente e mal en ataque, así non se pode gañar.

A derrota do Manzaneda diante do Ponte, iguala a cabeza da liga con mais equipos implicados..
Esta semana o partido En Xogo-Manzaneda...será decisivo para nós, ou nos enganchamos a cabeza ou nos descolgamos.

PONTE 6 EN XOGO 5.....Facendo amigos

Chegou o nadal a Carballeira, e co noso equipo xogaban Papa Noel e os Reis Magos..Non pode ser que dilapidemos outra vez un 4-1, con tres regalos na recta final da primeira parte,intentando inventar non sei ben o que....iste deporte é mais fácil ca todo iso; o caso é que rematou a primeira parte 4-4...e fixemos nos todo. Na segunda puxemoslle a alfombra para que o mellor xogador deles fixese o 5-4....catro goles seguidos encaixados..Despois de moito fallar en ataque conseguimos empatar...e os últimos minutos foi un acoso e derribo a súa portería, pero perdonamos demasiado, os árbitros botaronlles unha man...como non!! o caso e que quedando 1 minuto diante do porteiro fallamos a enésima ocasión...e esa contra cun rebote  e rematando mal a nosa porta perdemos....ver para creer!!

Análisis:

Nós: Moi individualistas por momentos...e ademais somos irmanciñas da caridade...algo está cambiando porque xa nos pasou na copa...Despois demos a cara e fomos polo partido. Non hai nada que reprochar... 

Os rivais: Adestran dous ou tres días a semana... para qué?? Para non dar superado a presión duns vellos...os últimos 5 minutos foi un equipo deprimente....pegábanlle para arriba!!,valialles o empate ?? Claro que si.. Neses minutos frenaron a Santi e Tizón a base de patadas,moi claras co beneplácito arbitral....O penalti a Santi, con entrada por detrás, non so é penalti, senón tamén expulsión. A verdade é que sempre vexo algo positivo nos meus rivais, pero neste caso supónselle outro potencial a un equipo que baixa de 1ªB....mal nas saidas de presión,estratexia nula, etc.....¡¡ Ai se nós puideramos adestrar 2 días !!! O único que fixeron ben foi aproveitar os nosos regalos, e chegoulles para gañar...Non quero seguir escribindo, porque foi un equipo que adestrei e co ascendemos de autonómica e mantivemos en 1ªB, pero anda a deriva, leva anos a deriva....cal é o seu futuro?? Xogar na provincial cos veteranos??

Os árbitros: No partido anterior, un doble penalti a favor do Andrade, colocárono en 12 metros...vendo iso, que podes esperar?? Polo menos que se equivoquen para os dous, pero non foi así...Consentironlle de todo aos rivais para frenarnos, os últimos minutos foron de traca, paos, paos e mais paos...unha vergonza.Por non saber nen saben as normas...Equivocaronse e moito, pero sempre para o mesmo lado....A creencia no noso vestiario é que un deles ven sempre a por nós, a faino a propósito...xa non é a primeira vez......
Hai que axudar ao Ponte a gañar unha competición menor?? Espero que a súa influencia non chegue para tanto, e so para colocar uns horarios a carta.

Xa está ben, moitos equipos estamos fartos da incompetencia arbitral semana tras semana...o seu nivel non está a altura do nivel dos equipos...e son os únicos que cobran. 

O Manzaneda segue intratable, eu supoño que baixaran o rendemento cara a segunda volta...senón non hai nada que facer.
A liga vai estar igualada e bonita,pero é  unha carreira de fondo.

EN XOGO 4 - LA BULL 3

Partidos difíciles son sempre os que disputamos diante deste equipo.Xogamos mal, moi mal e así empezamos perdendo 0-2.Sen alma, sen consistencia...o noso xogo foi penoso.Este é un deporte de cambios de ritmo, non de trote...A pesar de todo este equipo ten algo que o diferencia dos demais, o amor propio, a competitividade..senón con 40 anos estariamos na casa xogando as cartas. Acortamos distancias antes do descanso 1-2.

Na segunda metade non melloramos o xogo, pero sacamos o orgullo, ese plus que damos sempre nos partidos trabados e nos últimos minutos demoslle a volta ao 2-3. Fallamos goles claros, pero tamén os nosos porteiros tiveron traballo.

Temos moito que mellorar, sobre todo cara a portería, fallamos demasiado.

Os rivais, son un equipo complicado, traían poucos xogadores, e iso penalizounos.

Os árbitros, sobreactuaron....non entendo nada, non tiveron un  criterio definido nin equitativo, desorientounos moito a súa actuación.

A xornada de liga deixounos a derrota do Ponte na Rúa, diante da Veiga, campo complicado. O que ven a demostrar a igualdade da liga, e o difícil que é gañala.O Manzaneda segue gañando, vamos ver o seu nivel cando lle cheguen os "toros bravos".

RETIRO 2 - EN XOGO 4......PARTIDO DURO

Xogar en Outomuro nunca foi doado, a pista agarra moito e unha pista lenta e o Retiro xogando na casa con todos os seus xogadores é un rival complicado.

Foi un partido duro, intenso e complicado.Tivemos que poñernos o traxe de faena para sacalo adiante....tivemos moitas ocasións pero non nos adiantamos ata o final da primeira parte.Na segunda parte deixámolo case sentenciado co 0-3 pero a partir de aí foi cando mais sufrimos atrás....ainda así a victoria nunca perigou.

Os rivais son un equipo complicado na casa, e espero que lles xoguen aos demais equipos como nos xogaron a nós; se xogan con esa intensidade e disposición sairán do pozo e non pasaran apuros.

Os árbitros nunca deixan contento a ninguén...eu queixome da permisividade nas faltas, eles son xogadores de fútbol e empregan moito as mans, e todas son faltas...van o límite e algúns sobrepasárono, ainda que foron xogadas puntuais.Non vale todo para frenar aos rivais(sobre todo a Tizón).Demasiada permisividade

Nós, temos que mellorar o acerto cara a portería e algunhas cousiñas mais.

A xornada deixa ao Manzaneda como líder solvente despois de gañar ao Andrade..ollo con este equipo! tiven a posibilidade de ver ise partido e demostrou ser un claro candidato a gañar a liga senon perden forza fora, na súa casa son moi complicados ( onde contan ademais coa presencia de Ramón , un dos mellores xogadores desta liga). O Ponte gañoulle a Bull, que este ano parece vir a menos, pero non é un rival fácil...Son os dous máximos favoritos, nós intentaremos competir ata onde poidamos.

A Veiga gañoulle ao Galipán, nun resultado de primeira parte de balonmano...un partido a tumba aberta...O Andrade, a Bull e o Galipan descolganse da cabeza.

EN XOGO 3 - ANDRADE 3

Reparto de puntos entre os dous equipos mais veteranos da liga.O partido empezou cunha torrija grande pola nosa parte e iso levounos a poñernos perdendo 2-0, rematou a primeira parte cun  2-1 moi apretado.A segunda parte dominamos os 12 primeiros minutos, cun acoso e derribo da portería de Guede, pero éste con varias paradas de moito mérito só nos deixou empatar...e facendo boa a lei do futbol, se perdoas pagalo, e así foi, apretaronnos durante varios minutos, obligando a Congui a facer varias paradas difíciles e terminaron marcando o 3-2...inxusto, pero....intentamos sin éxito empatar, non o conseguimos, ata que fixemos un ataque de 5, e na primeira posesión tivemos a sorte de marcar ( sorte que antes nos faltara).

Nós: Acusamos as baixas, todas xuntas, incluso para un equipo tan largo de plantilla son un lastre moi grande..A pesar das baixas de Tizón, Luis Angel, Sabucedo, Jacobo, Santi....o equipo fixo un partido bastante bo diante dun rival difícil

O rival: bo equipo de fútbol sala, xogan ben, ficharon ben...e ainda que acusan a baixa de Pampin son sempre moi complicados...Ten posiblemente a mellor portería da liga con Rubén e Guede...bos amigos sempre é un placer xogar contra eles.

Os árbitros: correctos, pero a nova reglamentación confundeos moito...a eles e a nós.

A liga segue... con victoria do Ponte (négome a chamarlles cidade de ourense nesta liga) diante dun Retiro sen porteiro.....Derrota da Veiga, sorprendente, diante da Bull; victoria aplastante do Manzaneda diante a Corna (10-1) e derrota do Galipán.

A CORNA 4 -- EN XOGO 5.....Fixemos todo, o bo e o malo

Marcador apretado ao final, pero realmente non foi así ata os 3 últimos minutos..

Primeira parte moi desigualada..o perigo do rival foi un dobre penalti .Fallamos moitas ocasións, demasiadas, pero a sensación do equipo foi dun dominio apabullante.

Na segunda parte, ainda que non fomos o rodillo da primeira, dominamos o partido con facilidade ata poñernos 1-5. Aí penso que nos deixamos ir.... unha boa xogada do rival, un erro noso e un erro arbitral e puxéronse 4-5 a falta de 3 minutos...Nada apurados pero tensos foron os últimos minutos, coa actuación arbitral moi protestada.

O rival, loitador, pelexou todo o partido, non pasará apuros na categoría, pero para aspirar a estar arriba ten unha plantilla algo corta.

Os árbitros: un veu a pitar e o outro a cobrar...Sei que hai poucos árbitros, pero por favor non mais veces.....Non quero estenderme mais, nin facer sangre, pero podería escribir un libro coas súas actuacións, intencionadas... por iso non recoñece os erros, un gran problema.

A liga parece que este ano vai estar moi igualada....O Ponte parte como máximo favorito, lóxico, ademais é o representante da Cidade de Ourense, curioso, leva o nome da nosa cidade, pero so o pasea pola provincia ...ten os horarios a carta e xoga patricinado con diñeiro público nunha categoría provincial....ao que chegamos. Outros favoritos son Andrade, Bull.....e ollo cos do barco

PRIMEIRA VICTORIA..8-5 diante dun correoso Seixalbo

O primeiro partido da tempada sempre é complicado, vimos de vacacións, non adestramos, polo menos non xuntos, e faltanos rodaxe...

Ainda así despois de empatarnos 2-2 a metade de primeira parte, nos últimos 10 minutos viuse a diferencia que hay entre os dous equipos, e rematou a primeira parte 7-2.

Na segunda parte, que perdemos cun parcial 1-3, saimos un pouco relaxados, como si estivese todo feito, pero ao futbol sala non podes descoidarte; de todos xeitos a victoria non perigou en ningún momento, rematando o partido 8-5.

Penso que debemos dar mais, quizás nontro momento da tempada, mais rodados, un partido que ao descanso gañamos por 5 goles, na segunda parte aumentamos a diferencia aproveitando a desorientación do contrario..

O rival , debutante na categoría, é correoso, vai dar sorpresas..pero debe mellorar as súas prestacións defensivas, adestran varios días e iso tamén os vai axudar....o ano pasado eliminaron equipos de provincial na copa..pero a liga é diferente...empezando polo reloxo parado.

Da xornada destacar o empate 3-3 do Cidade de Ourense, un equipo que baixou dúas categorías e máximo favorito para gañar a liga, contra a Corna..
Decir tamén que na provincial B, ou como lle puxeran, so se disputaron 4 partidos, vergonzoso...e por enriba hai un equipo que encaixou 28 goles...pero isto que é??....A federación empeñouse en facer esta categoría...por e para qué?? para recaudar dalgúns concellos....Non sei se acabaran a tempada.

NOVA TEMPADA 2012-2013

Xa comeza unha nova tempada, a 2012-2013...e aqui seguiremos dando guerra polos campos da provincia...

Temos dúas categorías de provincial, isto é bo porque o futbol sala chegará a mais pobos da provincia, seran unhas ligas mais provinciales que nunca, representando unha grande parte da nosa provincia.

Iste fin de semana disputase a primeira xornada, e antes de comezar xa nos chegaron os primeiros problemas da man do concello de ourense...

Como ben sabedes hai equipos e equipos...hai uns que parece que teñen mais dereitos ca outros, escollen o horario que lles peta...pasando por enriba de todos.

O funcionario de turno do concello ( un concello vergonzoso, como se está vendo) decide despois da presión dun equipo con certo poder (ou que cree que o ten) que se xoga nunha hora que xa tiña o En Xogo escollida (porque xogabamos na casa) e decide por "real decreto" de sus santos cojo... como dixo él, que o En Xogo ía xogar a hora que el mandara....e todo por contentar ao poderoso equipo en cuestión....incomprensible e con malas formas,moi malas.

Se hai algo que levo moi mal son as mentiras e as medias verdades...e algunha xente quedou retratada.

A intervención da federación nos momentos finais fixo que se solucionara un problema que podía traer cola....e moitas explicacións.

O final xogamos as 20:00 na Carballeira contra o Seixalbo.

REMATOU A TEMPADA

Rematamos a tempada gañando o torneo de Ourense por Barrios, 1 de 3....algo é algo...En teoría xogan iste torneo os mellores equipos da provincia deste nivel, pero a verdade é que so tres se comportaron como tales, o Taboa, o Mcdonals e o En Xogo; o Galipan, campión de 1ª e novo equipo de provincial, non se presentou ao segundo partido porque non tiñan xogadores; o Dacón, bo comportamento pero pouco competitivos e o Ambulanc. Ribadavia, competitivos pero con mal comportamento.

A final resultou unha revancha das semis da copa, esta vez non deixamos que nos remontaran e terminamos o partido gañando 4-2.

Non foi unha tempada brillante pero competimos ata o final e loitamos por todo.

Para a tempada seguiremos dando que falar nas canchas, iso so un ano mais vellos, pero intentaremos seguir aumentando a nosa longa historia, e demostrando que os anos, a experiencia, pode suplir moitas carencias físicas.

A estas alturas do mes de xullo, sabemos pouco da provincial do ano que ven, ou si vai haber dúas....Pero, si que hai que viaxar mais: Beariz, A Veiga (xogaran en A Rúa), Padrenda ou Cortegada ( aí xogara Ambulanc. Ribadavia) ademais dos xa sabidos de Avión e Manzaneda...Tamén parece que vai a desaparecer algún equipo

Bo verán e boas vacacións a todos

5 MINUTOS FATAIS...

Dominamos o partido 45 minutos contra o Mcdonals, de feito o resultado era contundente, 4-1...estivemos atinados cara a portería e non deixamos que tiveran moitas ocasións, na segunda metade ata eses 5 minutos finais tiveran unha...A diferencia era manifesta, e sacaron porteiro xogador, pero os seus ataques eran predecibles......de repente todo cambiou, non sei explicalo, nin sei siquera a explicación...encaixamos o 4-2 nun balón que non atravesou a liña, o 4-3 nun falta que pasou entre tres xogadores, cun tiro moi floxo...e o 4-4 nunha xogada con falta previa sobre Jacobo, pero para o árbitro era moito pitarlle dous dobles ao En Xogo a favor (non vaia a ser que digan que o benefician), na contra gol....quedaba menos dun minuto...Cando chegamos aos penaltis xa iamos derrotados..

Que pasou? ...Non o sei, non foi polo ataque de cinco, era floxo; tampouco penso que nos relaxaramos... Os árbitros? Non busco escusas, equivocáronse pero ese non foi o problema...Entón que pasou? Despois de varios días sigo sen sabelo certamente, non hai ningunha explicación lóxica......Simplemente non era para nós, este ano non é o noso......Para gañar un título hai que ter un pouco de sorte e a nós, está claro,este ano fallounos.......Iamos buscando a nosa 6ª final consecutiva, pero  quedamos no camiño.

A outra semi gañouna o Taboadela nos penaltis, tiveron esa pizca de sorte que nos faltou a nós; o Arranxar creoulle moitos problemas, sobre todo ao principio, pero fallou demasiado...despois o Taboa dominou o marcador, pero non o partido e deixouse empatar nos últimos minutos (2-2)...os penaltis decidiron.

A final estivo moi igualada, moi trabada e cun xogo pouco fluido pero emocionante, o Taboa compacto e o Mcdonals a golpes individuais...o certo e que chegaron aos últimos 12 minutos empatados,1-1, pero aí produciuse un erro do porteiro do Mcdonals, e 2-1, a partir de aí foi un quero e non podo dos das hamburguesas para superar a defensa do Taboa, sempre ben colocada, con boas axudas e coberturas.....Taboadela campión......Como xa teño dito o que gaña sempre é o mellor, fai falla sorte, e posiblemente xa a tiveran en cuartos tamén, seguro,pero gañaron....non hai excusa...
Levan gañado liga e copa e iso é moi moi difícil, polo tanto é o mellor equipo esta tempada., sen dúbida.

Parabéns ao Tabodela!!!

XA ESTAMOS EN SEMIS UN ANO MAIS

Estamos en semifinais outra vez, son 6 de forma consecutiva  e 10 nas últimas once tempadas, é para sentirse moi orgulloso deste equipo. Este fin de semana iremos buscar a nosa 8ª final.
O partido nos Peares foi de armas tomar, gañamos 2-4. O rival plantouse cunha defensa moi pechada, pero nada que a calidade individual non puidera superar....ise foi o menor dos nosos problemas porque unha pista non axeitada para xogar ao fútbol sala e unha arbitraxe dudosa, fixo que o partido non rematara antes..O rival plantexou o seu partido e utilizou as súas armas, loita e pelexa por cada balón e unha defensa moi agresiva, empregando moito as máns coma case todos os xogadores que proceden do futbol, é o seu xogo......nada que obxectar.
Sobre os arbitros: un non veu; co outro debemos ter unha deuda porque sempre que nos arbitra acabamos descontentos e de mala leche, non é so unha opinión miña...no vestiario temblamos ao velo, e a rapaciña da mesa debe repasar o regulamento

A xornada deixanos unhas semifinais duras, entre catro equipos moi fortes:
  Mcdonals- En Xogo
  Taboadela- Galipán

OS OCTAVOS DE COPA FORON DUROS

Xa sabiamos que o o partido ía ser difícil, o Retiro e un equipo que con todos os xogadores volvese moi perigoso e mais se xoga na súa casa, non pola presión do público, senón pola pista...que se nos fai moi lenta. Gañamos un partido duro, no que o resultado 1-4 e moi engañoso, e no que decidiu a nosa maior pegada cara a portería porque ocasións houboas nas dúas porterías, eles chegaron a fallar unha penalti. Sen que sirva de excusa, as numerosas baixas que tiñamos de xogadores importantes, condicionaron un pouco o noso xogo...non polo cansancio, senón pola forma de xogar.
A xornada deixounos a eliminación do Andrade diante do Seixalbo, que está facendo unha copa increíble, eliminando xa a tres equipos de provincial importantes...ollo con este equipo, moi reforzado de moral.O resto dos clasificados eran os mais previsibles segundo os enfrentamentos que había.Colanse en cuartos Fontanería e Peares.
Para a semana que ven temos estes cuartos de final:



 

DOM 12:45 Miraflores McDonald`s - Fontaneria25anos.com

SAB 17:00 Oira Seixalbo F.S. - Concello de Taboadela

SAB 19:00 Os Peares Os Peares F.S. - Bar En Xogo/Karlaska

DOM 13:00 Salesianos Lasider - Dyc - Arranxar - Cafeteria Galipan

OUTRA ROLDA MAIS...

A copa sempre dando sorpresas,esta semana caeron mais equipos de provincial: Cerber, ES 2001, Manzaneda, Outomuro...Salientar a inesperada derrota do Cerber diante dun sorprendente e perigoso Seixalbo. Tamén segue adiante o campión da 1ª de Ourense, o Arranxar, equipo con moi bos xogadores, un dos que pode gañar a competición.

Os enfrentamentos esta semana son estes:

SAB 17:00 Anexo (Os Remedios) -          Muebles Andrade - Seixalbo F.S.

SAB 18:00 Anexo (Os Remedios)           Fontaneria25anos.com - Sprinter F.S.

SAB 19:00 Anexo (Os Remedios)           Arranxar / Caf. Galipan - E. Montañesa/Adega Regad

SAB 17:00 Central(Carball.)                   Xuventude Irixo F.S. - Os Peares F.S.

SAB 18:00 Central(Carball.)                    F. S. Beariz - Lasider - Dyc

DOM 12:45 Miraflores                          McDonald`s - Hnos. Carral

SAB 18:00 Outomuro                              Bar O Retiro - Bar En Xogo/Karlaska

SAB 18:00 Taboadela                             Barbadas/Sobrado F.S. - C. de Taboadela

Destacan os enfrentamentos entre os equipos de provincial: Retiro-En Xogo e Sobrado-Taboadela e o Andrade - Seixalbo. Todos partidos difíciles

COMEZOU A COPA.....

Comeza a copa, unha competición difícil, dura e chea de sorpresas. O feito de xogar a reloxo corrido da lugar a moitos resultados sorprendentes.

Podemos falar de favoritos, pero nesta competición todo se minimiza....calquera pode gañar, ainda que ao final case sempre chegan os mesmos
Nos iremos na busca da nosa 5ª copa diputación...a ver a onde chegamos!.......Nos últimos 5 anos xogamos 5 finales...o listón está alto e os anos pasan, pero a presión non nos pode.......intentarémolo.

Na primeira xornada de copa dos equipos  da liga provincial xa quedaron eliminados o Barreras, Avión, A  Corna e o Primordial.

Na segunda xornada destacan algúns partidos:

• Outomuro-Mcdonal´s
• ES 2001- Arranxar ( campión de 1ª de Ourense)

REMATOU A LIGA.....

A última xornada de liga non deparou sorpresas salientables..

O Taboadela proclamouse campión de liga despois dunha dura loita co Cerber, e ca na nosa sombra ameazante cerca...
Teño que felicitar aos campións porque unha liga non é doada de gañar, hai que pasar "moitas" para gañala, e ao final o que a gaña é porque a mereceu, non teño dúbida.... Agora que xa gañaron o seu primeiro título comezaran a darse conta do difícil que é gañar.... de que todos loitan contra ti porque eres o primeiro....de que non podes cometer apenas erros, porque si fallas podes non gañala...do difícil que é chegar e do difícil que será manterse arriba...... Agora espero que comecen a entender  o mérito que ten que un equipo coma o noso, veterano, loitando durante tantos anos, ano tras ano, por gañar a liga ou a copa...as veces acadandoo e as veces non... Supoño que agora ainda non se darán conta pero nos anos vindeiros si o faran. Parabéns a todos os compoñentes do Taboadela!! xustos gañadores desta liga.

Tamén teño que felicitar ao Cerber porque a campaña que fixeron foi espectacular, non pensei que aguantarían aí arriba ata o final, pero demostraron que puideron gañar a liga tamén, se non fallan en dous partidos "tontos"......Parabéns para eles tamén!!

En canto a nós, penso que xa fixen anteriormente neste blog unha autocrítica, e ademais..... non se pode gañar sempre.
Pola metade temos ao Mcdonals,un equipo irregular; ao Andrade, penso que é o de mellor xogo, pero lastrado polo seu escaso banquillo. Moito mérito o do Manzaneda con tanto viaxe, o ES 2001, irregular; a Corna, por debaixo doutras tempadas; o Retiro, de mais a menos, pero este ano non sufriu, o Lasider de menos a mais, ao final salvou a categoría comodamente.

Por abaixo sinto moito o descenso do Barreras e do Outomuro, son moi boa xente, pero o futbol ás veces e implacable e non perdoa os fallos.Tamén é unha pena a desaparición do Feás, din que "o valor dunha victoria mídese pola entidade do inimigo"; eles sempre nos obrigaron a sacar o mellor de nós. O Sobrado e o Avión estiveron por debaixo do que se pode esperar deles, e pasaron os seus apuros.

No partido do sábado xogamos contra o Outomuro, un equipo que tiña poucas opcións de manter a categoría, precisaba unha carambola: a derrota do Avión e o empate ou derrota do Sobrado..
Non me gustou moito quitarlles as poucas esperanzas que tiñan, pero tiñamos que xogar como facemos sempre porque había mais equipos implicados, gañamos 6-11.. Sei que eles non descenderon por este partido, senón por un cúmulo de circunstancias.....moito ánimo se continuan xogando (ainda que parece que non).
Rematou a liga e comeza a copa...unha competición dura e sempre sorprendente.....Pode pasar calquera cousa.

SEN PARTIDO

O noso rival desta semana era o Barreras e non se puideron presentar por diferentes motivos, así que tocounos descanso.Agradecer a Javi do Barreras que nos comunicara que non ían presentarse para que nos puideramos organizar esa tarde..Non me gusta que rematen así a tempada, espero que poidan xogar o último de liga e a copa...Por todos estes anos que votaron competindo na Provincial, algúns deles moi ben, merecen un final mellor.
A liga chega a última xornada co título no bolsillo do Taboadela, o Cerber será segundo e nós terceiros.
Por abaixo a cousa está mais complicada, despois da victoria  do Avión desta semana contra o Outomuro; o Avión está casi salvado,( por calidade non tiñan que sufrir tanto)....o Primordial xa está descendido ( ten o golaverage perdido co Barbadas).....e o Barbadas meteuse no lío despois dun recta final desastrosa ( teño que decir que se disputaran todos partidos coa intensidade ca que os diputan contra o En Xogo non estarían aí ), de todos xeitos dependen deles mesmos, pero teñen que gañar;  o Outomuro ten que gañar e esperar que os seus veciños do Retiro lles voten unha man....Pode haber ata un triple empate.....a solución o sábado.

EN XOGO 5 - AVIÓN 4....NINGUN PARTIDO É FACIL

A semana pasada deixámonos levar, esta semana corremos algo máis, disputamos o partido con mais intensidade, tamén a calidade do rival desta semana era mais alta. O Avión sempre é un equipo complicado, ten moi bos 1 contra 1, aproveitan isto e intentan sacar ventaxa desa cualidade...as veces penso que abusen diso, e aí poden estar os seus problemas.

Nós tivemos mellor actitude e disputamos o  partido con intensidade, con gañas, sen sair de paseo ao campo..

Os árbitros, sen problemas..correctos.

A liga deixa ao Taboadela case co título na man a falta de dous partidos. Por abaixo, penso que queda un posto de descenso para dous equipos : Avión e Outomuro..... se o Sobrado non se complica.  

Esta semana o partido Avión - Outomuro decidirá practicamente o descenso

PRIMORDIAL 3 - EN XOGO 6.... Victoria sen mais.

Partido estrano e difícil de xogar para nós, pouca motivación porque a liga está a 4 puntos, é decir que este ano non toca....
Nesta situación, no momento de xogar estes partidos, hai dous tipos de xogadores: os que compiten sempre e os que non....teño claro que se non corres non gañas, se  non compites non gañas...  isto resume o partido, un  partido sen maior trascendencia para nós ainda que o rival se xogaba o descenso.
Ao final impuxemos a calidade, pero a nosa vagancia no xogo a punto estivo de costarnos o partido.
Debemos xogar a tope ata rematar a liga para non perxudicar a ningún equipo dos que se xogan o descenso, e así o faremos...
O rival: vaille costar manter a categoría
Os árbitros: ben, sen problemas, pero sigo insistindo co nivel dalgúns/as.

A xornada deixa a o Taboadela máis cerca do título, e por abaixo segue a loita entre os mesmos equipos, todo pode resolverse na última xornada.

Próximo partido na Carballeira ás 17:30 contra o Avión.

EN XOGO 5 - A CORNA 2......TIVEMOS QUE LOITAR PARA SACAR O PARTIDO ADIANTE

Non estabamos nas mellores circunstancias para gañar este partido ( ata 7 baixas), e dos que xogaron algúns estaban tocados. Neste punto hai que salientar o sacrificio que esta facendo Tizón, porque ten unha lesión no talón moi dolorosa, pero cada sábado ven xogar..
O partido foi sufrido e tivemos que poñernos o mono de traballo; non foi un partido brillante e sacamólo adiante defendendo, sobre todo na segunda parte, porque na primeira non estivemos moi intensos..
O rival: un equipo que este ano está  mais baixo, está vido a menos, pero sempre perigoso.
Os árbitros: unha de cal e outra de area...de todos xeitos sen influir no marcador.

A liga por arriba segue igual co Taboadela líder virtual e o Cerber pegado....e nos detrás por si se equivocan.
Por abaixo a cousa está que arde Primordial 20, Avión e Outumuro 21 e Sobrado, que se meteu no lío, 24...
Dous deles, se a federación non di o contrario, descenden.Moita emoción.

SEMANA DE DESCANSO PARA NÓS

Esta semana tocaba descanso pola desaparición do Feás. O fútbol sala está cada vez  peor, seguen desaparecendo equipos...estamos nunha época de recesión e o fútbol sala é un deporte que sobrevive, nunha grande maioría, das pequenas casas publicitarias.Cada vez é un deporte mais caro, como as institucións non axuden acabará morrendo... as canchas, as fichas (demasiado caras),a arbitraxe, supoñen un custo elevado para moitos equipos...moitos levamos anos poñendo do noso peto todo ou parte dese diñeiro."Esto non pinta ben"

Esta semana na liga provincial o Cerber sorprendeu ao Taboadela, e deixa a clasificación moi apretrada e unhas últimas xornadas emocionantes.Nós estamos a 4 puntos da cabeza, e isto fai que nos lamentemos da mala sorte que tivemos nos partidos empatados co Taboadela e algún mais, pero non se pode gañar sempre.

Por abaixo o Barreras parece sentenciado, o Avión está nun bo lío, o Primordial colle aire e complicalle a vida ao Outomuro, que perdeu forza..

Quedan unhas xornadas emocionantes, isto dignifica un pouco esta competición.

EN XOGO 7 - MCDONAL`S 6...... OS BOS SAMARITANOS!!

Facemos amigos case en cada partido, neste fixemos o mais difícil que era dominar o partido e o marcador...con 5-2 deixamos de xogar, afloxamos e colocáronse 5-4, apretamos de novo ata o 7-4 e deixamonos ir de novo. Faltounos instinto "asesino", deportivamente falando.

Penso que non estivemos ben, xogamos  a impulsos ,sen    continuidade e demasiado individualistas por momentos. Temos   que recuperar o xogo de equipo, ou facelo durante mais minutos.

O rival convertiu o partido nun   correcalles, e ise non é o noso xogo..ao non ter un xogo posicional fluido intentan correr e facer un contra un en calquera parte do campo amparados na súa fortaleza física.

Os árbitros estiveron correctos..pero hai algo que non consigo entender,os contactos...Hai moita xente de fútbol xogando a fútbol sala e  son dous deportes diferentes e sigo insistindo ,os árbitros non deberían permitir eses contactos, sobre todo coas mans.

Esta semana debutou,  por fin,  Oscar Sabucedo, un xogador importante para nós, aporta mais  equilibrio defensivo.. esperemos que poida xogar mais polo miúdo...E a pesar de que non me gusta destacar a ninguén dos meus amigos de equipo, si teño que decir que Marcos, que agora pode xogar mais veces, tira do equipo nos momentos mais difíciles, defende, ataca.. un xogador "universal",un "canchero"; e destacar tamén a  Peke, un xogador que sempre intenta por criterio no  noso xogo, que intenta por cordura cando o noso xogo se convirte  nun xeroglífico indescifrable.

A liga depois desta xornada deixa ao Taboadela mais cerca do título, cunha xornada menos, decisivo será o seguinte partido co Cerber.

Por abaixo o Lasider respira, o Primordial engánchanse   a loita co Outomuro e co Avión..... está emocionante isto.O Barreras descolgase, unha pena.

SOBRADO 4 EN XOGO 6.........ERA UN PARTIDO TRAMPA!!!

Sabiamos que o partido ía ser difícil, un rival cunha posición na liga comprometida e unha vella rivalidade.

O partido estivo igualado durante bastante tempo pola nosa falta de acerto, polo noso individualismo nalgunhas xogadas, e por fallar coma sempre diante a portería..Cando decidimos que era mellor tirar dúas paredes en lugar de dous regates rematamos co partido..

O rival: un equipo con calidade nalgúns dos xogadores, un equipo que contra nós xoga hipermotivado; pero dubido que xogue todos os partidos así, se o fixera non estaría tan abaixo...Xogaron por momentos demasiado excitados, exaltados...e iso xogou na súa contra.

Os árbitros: sen influencia no resultado, erros de apreciación repartidos para os dous equipos.....penso que foron indulxentes nalgunhas sancións.

A xornada deixounos outra debacle do Cerber, co cal a liga queda practicamente decidida...

Nós, nunha tempada ligueira que consideramos mala ou cando menos floxa, estamos amenazando o segundo posto.....Estamos mal acostumados e non podemos gañar sempre. 

Por abaixo Barreras e Primordial teñeno difícil, e Outomuro e Avión seguen na loita por escapar do descenso...está moi igualado.

EN XOGO 3 TABOADELA 3......VER PARA CREER!!

Sí, ver  para creer, porque o  partido do sábado só se pode creer se o ves.

Comenzamos o partido dominando, mandando ,pero non atinamos coa portería, sí atinamos co porteiro, que parou case todo o que tiramos excepto un regalo deles nun saque de banda.No ecuador da primeira parte, sacudironse o dominio e aproveitaron un regalo noso para empatar, a partir de aí a primeira parte igualouse mais nas chegadas a portería, igualdade rota por un golazo a escadra que os adiantaba no marcador 2-1 e así rematou a primeira parte.

Na segunda parte só xogou un equipo, o outro chegou dúas veces a portería e unha delas foi  gol pola escadra, increíble, 3-1 sen apenas nada.....Pero con quince minutos por diante o resto do partido fixoselle de noite, cinco paos, balóns sacados da liña, e innumerables e increíbles paradas do seu porteiro....iamos 3-3 e nin sequera fixen o plantexamento de atacar de cinco porque vía o gol moi cerca, tan cerca que ainda estou pensando como non entraron eses balóns, eran incapaces defendernos e encomendáronse ao seu porteiro e a sorte.

Nós: sempre son moi crítico co noso xogo pero neste partido non teño nada que reprochar, se acaso por momentos fomos moi individualistas,lamentar a nosa mala sorte.

Arbitros: Non influiron no resultado, pero como lles dixen na pista, este deporte é fútbol-sala e non fútbol, e polo tanto empregar as mans é falta, e desas foron unhas cantas.....os nosos leváronse uns poucos mamporros..sen ir mais lonxe a expulsión de Marcos foi un golpe na cara que recibiu él mesmo..o que houbera sido doble penalti ao noso favor, pero que rematou coa súa expulsión( pola falta posterior) dun dos nosos mellores xogadores na recta final.

Rival: Xogan físicamente, as veces por enriba do límite, culpa deles non, hai que paralo antes.....Esperaba mais deles, pensaba que ían xogar doutro xeito, pero na segunda parte non existiron, metéronse na súa portería e intentaban meter o balón largo ao pivot a ver se sonaba flauta, o de sempre.

Meteron dous golazos, imparables, o resto do  xogo foi o de sempre(non o vou analizar aquí)...e ainda  que sigo pensando que algo evolucionaron tacticamente, neste partido non lles vin nada que faga presaxiar isa mellora, teñen boa codición física porque correr si que correron e defenderon.......pero xogar (neste partido) nada de nada. Sen creatividade nin imaxinación. Aguantaron e punto.
Tampouco me gustaron os malos modos dalgúns xogadores, dende logo nada que me sorprenda; e algún detalle pouco deportivo que non vou explicar aquí, queda no campo.

Non sairon goledados por sorte para eles......ollo!! posiblemente a sorte do campión; porque despois da derrota do Cerber teñen a liga de cara.

RETIRO 5 EN XOGO 6......PARTIDO INTENSO

Partido extraño, difícil de calificar, por un momento pensei que xogabamos a fútbol e non a fútbol sala. Demasiados permisivos os árbitros cos seus contactos, empregando as mans en cada contacto coma se fose fútbol...claro está que a Tizón "cosérono" unha vez mais, "vale tudo" para detelo; hai dous partidos expulsárono por reaccionar  mal a unha entrada por detrás dun rival, sin embargo o infractor rematou o partido... increíble. O sábado, mais do mesmo,levou paos e recados..pero ollo!!! que non digo que os rivais o fixeran a mala fe, non; son moi físicos e son futboleros, pero isto é fútbol sala.

Dito isto; ten moito mérito o que fixo o rival sen porteiro, mantívose no partido coas súas armas...moita presencia física, correndo por cada balón......un equipo complicado dende logo!

Nós, mal, moi mal...saimos coa torrija de sempre, e non me gusta, teremos que cambiar algo, algo faremos!!,  porque a nosa posta en escena, e xa van varios partidos, é lamentable, e nalgún partido saiunos moi caro...ollo!!.

Temos que ser mais contundentes cara a portería, seguimos fallando moito, demasiado;  isto levounos a convertir a recta final do partido nun "correcalles"...e co partido apretado decidiu a nosa experiencia nesas situacións.

Da arbitraxe: decir que viñeron dous e arbitrou só un, sobre a súa actuación xa comentei antes que para min permitiron demasiados contactos...pero supoño que son interpretacións!! non é fácil arbitrar un partido así...

A xornada deixounos a derrota do Cerber co ES2001, o que deixa ao Taboadela como líder virtual da liga... Xa dixen neste blog que o Cerber iba pasalo mal para manterse aí arriba, o Taboadela é mais compacto...O partido que xoguen entre eles será decisivo para a liga...o Taboadela ten un partido complicado con nós este sábado, pero ainda perdendo dependerán deles mesmos..

EN XOGO 3 ANDRADE 2 ............ BO PARTIDO

Non pintaba ben o partido, tiñamos demasiadas baixas e enfrente un rival moi forte, pero sacámolo adiante con paciencia e oficio, nunha victoria penso que merecida.

Comenzou o partido cun Andrade moi forte, apretando e meténdonos moi atrás; apenas eramos capaces de chegar a súa portería con perigo...presionamos mal, e defendemos peor...e regalamos un gol. A pesar disto fomos capaces de igualar dúas veces o marcador para rematar a primeira parte 2-2...cun penalti en cada área.
A segunda parte foi diferente, axustamos mellor as marcas na presión, xa non saían tan cómodos, e puxemos un pouco mais de intensidade. Nos primeiros dez minutos da segunda parte eles fixeron só un remate claro a portería, pero non tivemos a sorte de cara e non fomos capaces de marcar algunha das moitas ocasións que creamos; co paso dos minutos e na recta final eles sacudironse a presión. Marcamos o 3-2 nunha boa xogada de Peque, e chegada de Marcos( partidazo o seu) ao segundo pao, que definiu cunha volea....tivemos un par de ocasións claras para sentenciar, pero o fútbol pode ser moi caprichoso e estiveron a punto de empatar cun tiro ao pao a falta de 1 minuto...
Tiñamos baixas importantes, pero o equipo sacou a raza para gañar, boa actitude de todos e boa defensa na segunda parte. 
O rival, un bo equipo de fútbol sala, comezou moi forte, como esperabamos, pero cando se lle acabou a frescura viñéronse abaixo.
Na segunda parte baixaron moito, en grande parte debido a falta de banco; porque penso que do seu equipo titular ao suplente houbo moita diferencia.
Esta vez viñeron "dous" árbitros...e teño que decir que me axudaron a aclarar algunhas pequenas dudas do regulamento.
Os árbitros para min estiveron correctos, controlaron o partido sen problemas, con autoridade e con diálogo... Pitaron dous penaltis; eles queixáronse de que o deles non foi , nós dunha acción clara ao borde da súa área con 5 faltas.....son interpretacións !!. O certo é que nos árbitros as categorías tamén están para algo, e hai moita diferencia entre uns e outros, algúns non dan o nivel.


Na liga segue a loita polo título entre o Cerber e o Taboadela.
Nós estamos aí, por se fallan, cousa bastante improbable; deixamos moitos puntos en partidos doados e nos minutos finais.
O descenso tamén está moi complicado, con seis equipos loitando por evitar as tres prazas que quedan por decidir.

LASYDER 3 EN XOGO 4............COSTOUNOS GAÑAR, NUN PARTIDO EXTRANO

Un partido floxo pola nosa parte, seguimos fallando demasiado e todo por querer meter o gol do ano, por querer facer a xogada do partido....algúns fallos son mala sorte, pero chegamos a fallar a porta baleira.
Preocupame mais o xogo, xogamos a impulsos, sin continuidade, conducimos demasiado o balón e xogamos pouco sin él.....Defendemos mal e replegamos lento, cando sabiamos, xa antes de comezar,  que quizás o maior perigo do rival eran os balóns largos do porteiro as costas da nosa defensa.Costounos correxir este aspecto do xogo sobre todo na primeira metade; na segunda parte e despois da expulsión de Tizón con 2-2 fixemos os nosos mellores minutos e puxémonos 2-4, despois de fallar o que case parece imposible.
Un penalti en contra a falta de 1 minuto puxo o definitivo 3-4.

O rival: explota moi ben o saque largo do porteiro, creounos moitos problemas....o mellor xogador deles o porteiro, moi ben, fixo paradas de moito mérito..
Os árbitros: Tiña un párrafo largo para explicar a súa actuación... pero intentarei ser respetuoso....."Non tiveron sorte" nun partido difícil.

Polo que vexo, leo e polo que me contan, cada vez son mais as queixas en contra dos árbitros..chegan tarde, cobran o mesmo...!! Tendo en conta isto e que o  tema económico dos patrocinadores está mal, se por enriba suben o arbitraxe, machacante a tarxetas, (porque é o único argumento que teñen algúns) e de paso recaudan...Cada vez hai menos equipos.... acabará isto definitivamente co fútbol sala ourensán?
Fáltalle pouco, penso eu....

Tendo en conta estes altos gastos, non sería descabellado facer coma noutras cidades, unha liga paralela, sen tantos gastos........pensarémolo e maduraremos isto.

O PARTIDO MAIS DOADO E CORTO DA TEMPADA.....

Cando comezou a liga o ES 2001 parecía que este ano ía dar guerra, só perdera un partido con nós, ía líder e estábano tomando bastante en serio, pero............ primeiro non pagaron a tempo a cuota arbitral e agora non traen as fichas, nin a relación de xogadores...isto non é seriedade, se algún día queren estar mais arriba deberán organizarse mellor.
Isto quere decir que a actuación arbitral foi perfecta, cubriron ben a acta....e nos tamén estivemos perfectos.

A xornada deixounos unha sorpresa, a derrota do Andrade diante un rival da zona de abaixo e unha victoria contundente do Cerber fs, amosando as gañas que teñen de levarse a liga..

CLASIFICACION

Se deducimos os puntos que perderán os equipos ao desaparecer o Feás, a clasificación sería esta:


1 Cerber FS 40
2 Concello De Taboadela 39
3 En Xogo/Karlasca 32
4 McDonald´s Ourense 31
5 ES 2001 FS 31
6 Muebles Andrade-A Carballeira 26
7 Sporting Manzaneda FS 24
8 A Corna FS/Concello Do Irixo 23
9 Bar O Retiro 22
10 Outomuro FS 18
11 Barbadás-Sobrado FS 16
12 Lasider DyC 13
13 Avión FS 12
14 Barreras De Seguridad FS 12
15 Primordial FS 10
16 Feás FS 0

O grande perxudicado na loita pola liga sería o Cerber fs... mala sorte!!

CERBER 5 - EN XOGO 3.........FUTBOL É FUTBOL

Xogamos 10 minutos, puxémonos 0-2 e perdonamos outros 3...despois dous regalos, si regalos, e empataron o partido, engadimoslle outro regalo do colexiado de sempre e rematamos 3-2 a primeira parte...

Na segunda parte fómonos do partido, a expulsión de Marcos descentrounos e a seguinte de Jacobo sacounos definitivamente do partido...e xa non volvemos.

Perdemos por os nosos propios erros....e teño que decir que foron demasiados... Pero sobre todo non xogamos a nada, fomos un equipo irrecoñecible...non fomos capaces de nada...Defendemos mal e atacamos peor......Moi mal.

Do rival esperaba mais, esperaba mais cousas, mais ideas, mais recursos...pero a verdade é que viviron dos nosos erros.....Para un equipo que adestra tres días a semana son  tácticamente limitados: para sair da presión pelotazos, un par de saidas polo medio e aproveitar os bos saques de Rubén dende a portería, sempre largos....eso sí, correr, correron coma atletas, quizá sexa ese o seu punto forte...

Gañaronnos merecidamente pero a min non me gustaron.... Para gañar unha liga hai que expoñer algo mais, vano ter moi difícil co Taboadela, estes últimos son un equipo mais compacto. 

Se ascenden pasarano mal, a pesar da experiencia de Bolas e de Rubén, faralles falta algo mais e sobraralles algún maleducado que teñen no equipo.

Os árbitros non perderon o partido, perdémolo nos mesmos.....pero xa estamos fartos, algúns non están ao nivel.....so algúns, pero sempre nos tocan a nós.

Neste blog levo repetido varias cousas:
1ª Son os únicos que cobran, e nos pagamos eses cartos....e se mal non recordo, nunha época de recesión e crise, a cuantía do arbitraxe subiu....increíble!! Un pouquiño de seriedade
2ª O protagonismo é dos xogadores, non dos árbitros....por moito que lles pese....pero algúns non poden pasar desapercibidos..
Isto  non é por perder, non , a semana pasada gañamos 10-2 pero foi o mesmo, xa nos queixamos da actuación...
3ª Na toma de decisións podes fallar....como fallamos todos. O problema é cando elixes o momento do fallo...iso é intención...
Molestamos despois de tantos anos?? molestan as nosas victorias?? debemos algo??

Repito: Non son os árbitros os culpables da derrota, os culpables somos nós...fixemos un partido pésimo.....pero fomos perxudicados claramente con dúas expulsións ( medindo aos dous equipos de xeito diferente) e un gol en falta....vaia tarde!!

Próximo partido na casa co ES 2001, seguiremos remando..

EN XOGO 10 - MANZANEDA 2.....................PARTIDO MOI CORTO

O  partido comezou e rematou no minuto 1....Chegou o rival  con 10 xogadores pero sen porteiro, complicado!!,  e decidiu xogar de 5 dende o principio....ollo! que algún partido gañaron dese xeito...Pero esta vez non foi así, estrelláronse contra a nosa defensa....unha defensa deslabazada por momentos, pero suficiente para parar os seus ataques.......De todos xeitos o seu ataque de 5 foi moi desorganizado, moi precipitado, sen paciencia.

É curioso que, a pesar do resultado, acabemos molestos cos árbitros....non é doado de explicar....ou sí!! non dar o nivel, quizás!! ou molestan xa as victorias do En Xogo??

Próximo partido contra o Cerber, merecido líder, partido duro pero como sempre intentaremos gañar

REMATOU A PRIMEIRA VOLTA..........

1. CERBER F.S. --------------------------- 37
2. CONCELLO DE TABOADELA --------34
3. McDONALD'S OURENSE ------------- 31
4. BAR EN XOGO / KARLASCA ---------30
5. E.S. 2001 F.S.----------------------------28
6. MUEBLES ANDRADE ------------------27
7. SPORTING MANZANEDA F.S.--------27
8. BAR O RETIRO ------------------------ 22
9. FEAS F.S.--------------------------------19
10. A CORNA F.S. --------------------------19
11. OUTOMURO F.S.-----------------------15
12. AVION F.S.------------------------------15
13. BARBADAS-SOBRADO F.S.-----------15
14. PRIMORDIAL F.S.-----------------------11
15. LASIDER D y C --------------------------9
16. BARRERAS DE SEG. FS-----------------9

Rematou a 1ª volta e, a diferencia do ano pasado,a liga está moi igualada; ainda que se pode apreciar un corte do 7º para abaixo.

Na loita pola liga temos principalmente dous candidatos:

Cerber: A sorpresa da liga, equipo que mezcla veteranía e xuventude. Medrou moito como equipo dende a tempada pasada. Hoxe é o equipo mais en forma e o máximo favorito a gañar a liga..adestran 3 días semanais, e iso nótase.

Taboa: O ano pasado case conseguen gañar, foron segundos en copa e liga..este ano seguen aí arriba, aspiran a todo.

No segundo vagón hai varios equipos:

Macdonal´s: Futboleros, coas súas ventaxas(forza física)e os seus inconvintes(desorganizados por momentos)...pero están mellorando moito no futsal.

En Xogo: Xa dixen neste blog que é difícil xogar motivados cando tes barriga chea....Despois de gañar todo perdemos motivación, pero somos competitivos e tiraremos ata onde poidamos.

ES 2001: Comezaron ben, pero están perdendo forza.

Andrade: Xa falei deles, equipazo...Un pouco corto de efectivos e iso penalizaos moito.

Manzaneda: Equipo  moi traballado tacticamente...para aspirar a mais quizais lle falte algún xogador mais decisivo.
Na metade da taboa.:

Retiro: Boa tempada, este ano non sufriran para salvarse.

Feás e A Corna, dous da parte de arriba vidos a menos, pero sempre perigosos a un partido.

Na parte de abaixo:

Outomuro: Comezaron mal, pero van para arriba...polo que vin  (ainda que tiñan pouca xente)no partido do sábado, e se xogan sempre así van sobrados para salvarse.

Avión: Irregularidade...pero tamén calidade.Están ao borde do descenso.

Sobrado: A súa calidade non se corresponde coa clasificación. Ficharon para sair de aí, haberá que ver a evolución.

Principal,Lasider e Barreras están nunha situación complicada, teno difícil pero ainda queda a segunda volta.

EN XOGO 6 - OUTOMURO 4..... E GRACIAS !

Mal partido o que xogamos, moi malo.....Aconteceu o de sempre, por momentos non competimos, facemos unha defensa contemplativa, acompañamos ao rival en lugar de defendelo.

O partido comezámolo fríos, moi fríos,mirando para eles e pensando que con salir ao campo iamos gañar.....grave erro , que puido costarnos o partido.....Moitos balóns perdidos en ataque, e mal replegue defensivo, demasiado lentos.....Así colocáronse 1-4 a falta de 4 minutos para rematar a primeira parte; a partir de aí tocamos a zafarrancho de combate, ordenámonos en defensa ( aproveitando a entrada no partido da vella garda, ainda que está mal que eu o diga).....e rematamos o primeira parte cun 3-4......So con orden defensivo e un pouco mais de mala ostia, porque en ataque sabemos que enchufamos porque temos  xogadores decisivos, salvamos un situación comprometida.

A segunda parte comezámola como rematamos a primeira, ordenados, defendendo e disputando cada balón, e así en 5 minutos démoslle a volta ao partido e colocámonos gañando 5-4....... cargámonos de faltas e limitounos moito a defensa ata o final, marcamos un gol mais, pero nos últimos minutos voltamos a sufrir coas 5 faltas, pero aí apareceu o noso porteiro, Congui.

O rival aproveitou moi ben as súas virtudes, rápidos e moi perigosos con espacios, non creo que teña problemas para salvarse, costoulles moito sair da presión cando fomos capaces de ordenarnos defensivamente.
O arbitraxe.......desconcertante por momentos......isto é Fútbol sala  non fútbol...os contactos coas mans son faltas....A veces preguntóme que fai falta para que lle piten unha falta a favor a Tizón ou a Temes ( xente de moitos kilos)???....porque tirar non os dan tirado.

Nós...... ACTITUDE amigos, e deixar de mirarse o ombligo.... Divertirnos marcando goles, sí.... pero tamén defendendo,correndo e disputando o balón.

No próximo partido comeza a segunda volta...na primeira volta a nosa nota foi de suspenso, fixemos 30 puntos e deixamos 15 polo camiño, demasiados........

Xogamos o sábado co Manzaneda na casa.

BARRERAS 0 EN XOGO 5...............VICTORIA TRABALLADA

Tivemos que traballar e armarnos de paciencia para gañar o partido, o rival plantexounos unha defensa en 12 metros moi compacta,  intentando sair a contra...a defensa deulles resultado na primeira parte ( 0-0), axudados tamén polas boas intervencións do porteiro. Na segunda parte cambiamos un pouco o ritmo de xogo, fomos mais agresivos na presión e marcamos pronto o primeiro gol, e partir dese momento todo foi mais doado, ata rematar o partido con comodidade..

A arbitraxe..... desconcertante, cando menos. Non nos perxudicaron...NON,  pero deben lembrar que o protagonismo é,  e sempre será dos xogadores....xogadores, que por outra banda, pagan ou pagamos dos nosos bolsillos para que eles cobren....


O rival debe seguir loitando cada partido coma este para sair do fondo, ainda que xa vai en liña ascendente...


Próximo partido na casa contra o Outomuro as 17:00 h. 

AVION 2 - EN XOGO 13.......O AVÓS NON DEIXARON DESPEGAR O AVIÓN

Pintaba moi mal a tarde...partido en Avión ás 20:00, retraso dos árbitros e o partido comezaba cerca das 20:30...Tarde moi fría e poucos xogadores para enfrentarnos a un rival perigoso, sobre todo na súa cancha.

Comezou o partido e, a pesar de comezar ben, encaixamos o primeiro gol, pero o suspense durou pouco, apenas 3 minutos, os que tardou Tizón en sacar o fusil..... para deixar o partido ao rematar a primeira parte cun 2-5 practicamente definitivo....A segunda metade comezou cun penalti fallado polo Avión, e partir de aí desapareceron, xa non houbo partido....

O rival: encaixaron 13 pero puideron ser moitos mais, desconcentrados e individualistas por momentos.Teñen potencial nalgúns xogadores, pero.....

Os árbitros.desapercibidos.... chegaron tarde, ainda que non pola súa culpa

Nós, coma sempre esta tempada, Jekill e Hyde, momentos ca esencia deste equipo e momentos de falta de intensidade.....Os nosos resultados van depender das gañas que teñamos de competir

Próximo partido en Cea co Barreras  

BO NADAL AMIGOS

Partido de Nadal entre: "Amigos de Jacobo"&"Amigos de Kike" ao Fútbol 7.... Gañaron os mais novos 9-8 despois da grande actuación dos seus improvisados porteiros.


Amigos Jacobo: Pablo Gil, Tizón, Almeida, Santi, Sabucedo,Torete, Jacobo
Amigos Kike: Masid, David, Congui, Jose Gil, Oscar Gil, Juantxu, Luis Angel, Kike
                                                                                                                                                                      

                                                                            

Chegou a cea,chegou a noite e a cousa púxose perigosa, demasiados vasos nas mans.

Algúns davamos espectáculo ou ,segundo se mire, faciamos o parvo

Mentras algúns faciamos o parvo, outros adicavanse a outros menesteres......é un pena que xa teñan retirada a licenza de caza                                                                                                               

E ao final acabamos bridando......eso si cada un ca súa copa.....jejeje

Algúns non poderían brindar connosco...necesitan unha copa                                                                                                                                                  

Este ano ao mellor chegan a conseguilo,deste ano non pasa, sobre todo se seguen contando con axudas dalgún estamento que está farto de ver gañar ao En Xogo  (Chupito para os mais vellos) ano tras ano.....que lle imos facer!!!..E ao que non lle guste que lle bote azúcar.....pero esa é a realidade.

Jajaja...ao final  brindamos coas tres copas gañadas neste ano 2011.Ano no que demostramos ser os mellores, a pesar das moitas trabas sufridas e críticas recibidas....

Moita xente fala e critica sen coñecer...falar por falar.

Das tres copas, a que para min tivo mais mérito foi a última, o torneo dos campións das diferentes ligas, porque xogamos con moitísimas baixas, e a final en cadro....só 6 xogadores e ningún deles era a "tanqueta" que sempre ten a forza de catro...ou mais.

                                                                                            

O certo é que cada día estou mais orgulloso deste equipo, deste grupo humano, destes amigos.              

Un abrazo a todos