En Xogo 4 - Feás 4.... "TRATA DE ARRANCARLO........"

Non damos arrancado...fáltanos combustible, motor..etc..

Partido intenso e disputado; un partido que gañabamos 3-1 e rematamos empatando.
Seguimos xogando moi espeso, con demasiadas accións individuais e pouca circulación de balón.
Melloramos algo en defensa pero non o suficiente, en ataque seguimos fallando moito, por ser demasiado egoístas moitas veces; non é algo fácil de explicar nin de entender...
O rival coma sempre, un equipo duro de gañar, ben plantado e con bos xogadores...moi veterano, coma nós..
Os árbitros mal, cabrearon aos dous equipos....non souberon controlar o partido e  pitaron cousas absurdas ata a 5ª falta, e despois nin dándolle cun pao, quedei moi desconcertado pola disparidade de criterio nas faltas.

Temos que seguir mellorando, a liga púxenos moi difícil, case imposible.....pero temos que coller boas sensacións no xogo, ganas de competir, de xogar.....esa será a nosa victoria.

Próximo partido en Cea coa  A Corna....imos xogar e divertirnos

Mcdonal´s 12 - En Xogo 0.....HAI DIAS QUE É MELLOR NON SAIR DA CASA

Segundo Murphy: "Se algo pode sair mal, sairá mal".  Non teño outra explicación

“Non podes medir o teu éxito se nunca fallache". Esta derrota fai mais grande as nosas victorias dos anos pasados.

O partido non existiu. Nin co ataque de cinco durante  15 minutos marcamos un gol, nin cun penalti...

O rival foi unha locomotora e dos árbitros nada que decir.

Son dos que penso que o arte de vencer apréndese nas derrotas, hoxe foi unha boa lección.

Tendo en conta que a cabeza pode ser o 90% dun deportista, neste partido deixámonos ir mentalmente cos tres primeiros goles.

Partido limpo. Cando un equipo acostumado a gañar perde desta maneira, non soe acabar ben o partido, por iso estou moi orgulloso dos meus amigos, nin unha patada, nin un mal xesto........encaixamos a derrota deportivamente e punto.

"A nosa maior gloria non está en non ter caído nunca, senón en levantarnos cada vez". Xa perdemos outras veces , sempre saímos adiante e volveremos sair. ....Estou seguro.

Ánimo avós......Como xa dixen seguiremos dando a cara sempre, ainda que nola partan, a nosa historia non permite outra cousa. 

Non olvidedes : EN XOGO / KARLASKA.. TRICAMPIÓN...Liga Provincial..Tempada 2010-2011

EN XOGO 6 - SOBRADO 3

Non damos ca tecla do xogo, melloramos algo o xogo colectivo pero non o suficiente.O partido fómolo xogar oito valientes, faltaban mais dos que estabamos.

O partido non tivo moita historia, ritmo lento e pausado toda a primeira parte, que rematamos gañando 3-0.....Na segunda un dos trencillas, vaia tarde o colega!!!, pitounos un penalti (outro, e xa van polo menos 3), por un suposta falta a un metro fora da área; xa na primeira parte se trabucara nuha cesión ao borde da nosa área...Todos estes erros son aos que me refería eu ao decir que quedan enmascarados detrás da victoria no partido, pero poden chegar a ser decisivos. Despois reparten erros pequenos para os dous. Insisto, e xa o dixen moitas veces, todos nos equivocamos,eles tamén.. Algún árbitro me dixo un día que nós, os xogadores, nos equivocamos mais ca eles.....certo, moitas mais veces.......pero a diferencia é que eles cobran por iso , e nós pagamos......... O caso é que volveu a metelos no partido, e chegaron a colocarse 4-3, pero pagaron unha cara peaxe , cargaronse de faltas e Tizón sentenciou.

Seguimos fallando moitísimo, demasiado para a calidade dos nosos xogadores.

O rival ten perigo arriba porque ten bos xogadores, atrás estiveron algo blandiños...Partido limpo e sen problemas, ao que contribuiu o feito de que faltaran os xogadores mais problemáticos deles..

Próximo partido contra o Mcadonal´s, outro rival moi complicado...Temos que seguir mellorando.

PRESÉNTASE UNHA LIGA MOI ENTRETIDA

Vendo a clasificación, gústame moito ver na cabeza ao ES 2001, o fútbol sala en Celanova sempre tivo moita aficción e merece un equipo no alto da taboa, ollo! son un bo equipo, só perdeu un partido, o que xogou contra nos, e ao final. Dependerán da súa regularidade, o seu talón de aquiles. 

Os dous ascendidos Mcdonal´s e Cerber están rendindo moi ben, son dous equipos moi perigosos e savia nova na categoría; gran traballo co Cerber do meu amigo Marnotes, con dous xogadores como Rubén e Bolas cos que compartín viaxes e victorias nun gran Carballiño, tamén ten xente nova moi boa.

O Feás, un equipo veterano coma o noso, contra os que sempre é incómodo xogar, poden gañar a calquera en calquera campo, se están concentrados son moi perigosos, duros e intensos.Xa saben o que é gañar.

M. Andrade, do que xa falei todo, equipo moi brillante e estético no xogo, se recuperan xogadores son un firme candidato a liga. Se Moncho Ruiz quere xogar, entón ollo!!...que grande!!, para min foi un honor compartir vestiario con él, no mellor Verín FS  de sempre, cuartos en plata, rozando o play off a división de honor, tempos aqueles!!. Parece que non pasen os anos por él. Pampin, Diego, Guede, Brais, Pepe Luis (cando volva)....etc, forman un equipo temible.

Nós non estamos no noso mellor momento, pero xa sabes: "os vellos rockeiros nunca morren", daremos a cara, coma sempre, ainda que nola partan.
Tamén está o Taboadela.

Quero mencionar tamén a xente do Retiro, este ano gañáronnos despois duns cantos anos, volvo felicitalos dende aquí, son moi boa  xente, e merecen que lles saia ben todo.

 Vai ser unha liga moi disputada, ou iso parece. Sorte a todos 

"FÚTBOL ES FÚTBOL".....TABOADELA 5 - EN XOGO 5

Molestan xa tantas victorias nosas ??  Quero pensar que non...

Fixemos un partido correcto de fútbol sala, encaixamos 2 goles de dobre penalti e 1 de penalti, ben na presión e correctos na defensa, pero faltounos definir.

Os árbitros: Ao falar con eles deume a impresión de que son boa xente, pero.......uff!!!vaia tarde!!!......  Supoño que todo o mundo ten dereito a equivocarse; houbo erros??.......sí,de vulto;  pero podes equivocarte coma todos. Ter dúas varas de medir, non podes......a vara debería ser a mesma. 

Non acostumo a escudarme detrás dunha actuación arbitral porque tamén é parte do fútbol, por iso a maior parte da culpa de empatar foi nosa, demasiados fallos diante a portería.

O rival: Hai de todo coma en botica.Sen mais comentarios.

Próximo partido contra o Sobrado na Carballeira, partido moi difícil. Foi o último equipo que nos gañou unha final, a copa de hai dous anos.

Levo moitos anos nos campos e tamén pasei moitos nos banquillos de Galicia e media España, e pensei que xa o vira todo, pero non é certo, sempre hai algo novo que me deixa pasmado, e o mesmo tempo me cabrea e alporiza, sobre todo por estar nunha simple categoría provincial, que case é a última categoría do fútbol sala. Ou  onde pensades que estamos?? En plata(2ª)...Algún nin en soños...

Por momentos dan gañas de deixalo todo. Pero neste deporte fixen moitísimos amigos, xente que merece a pena de verdade, tanto rivais  coma compañeiros.

CRÓNICA DUNHA DERROTA ANUNCIADA.......EN XOGO 3 RETIRO 4

Xa levavamos varios partidos así, e ao final pasou o que nos temíamos, primeira parte bastante boa e segunda desastrosa...Ao descanso 2-0, en dous minutos da segunda parte 2-2, lamentable...Non foi un baixón físico, foi un conformismo, unha falta de intensidade e concentración lamentables, como se estiveramos aburridos de xogar. Pouco xogo en equipo, sendo esta unha das nosas virtudes dende sempre, hai xa tempo que empezamos a perdela...moita conducción de balón, demasiada. Non é cuestión de que faga aquí unha analise mais pormenorizada do partido, os grandes erros xa os dixen no vestiario, se queremos correxilos ben, senón  seguiremos así. Non podemos esquecer algo...esto é un equipo, é un xogo colectivo..gañamos todos e perdemos todos..

Como digo no inico do blog," o fútbol devólveche o que lle das", e nos non lle estamos dando nada de nada...E dito isto, pois non pasa nada, somos un equipo de amigos que nos xuntamos para xogar, porque nin adestramos.
Non imos gañar sempre, nin todos os anos gañar algo, os rivais tamén xogan, pero polo menos temos que divertirnos, porque ultimamente non facemos nin eso, temos que recuperar o noso espíritu de xogo....O EQUIPO. 
Sei que a moral do equipo está baixa, que todos saimos cabreados, iso é bo, quere decir que ainda queremos competir, que ainda queremos gañar, por iso tamén sei que iste equipo non se vai deixar ir, que vai sacar o seu amor propio para reconducir a situación.
ANIMO AVÓS 

Ao rival hai que felicitalo, fixo o seu partido, aproveitou as súas ocasións, e foi un digno gañador...O porteiro foi o mellor, moitas atopounas, pero estaba alí, facendo o seu partido...felicitacións.

Próximo partido en Tabodela, líder, un bo equipo que leva moito tempo ahí arriba, o partido será difícil pero é un bo sitio para volver a gañar, un partido dos que nos gustan, e para o que non necesitamos motivación.

ANDRADE 2 - EN XOGO 2 .............Cando dous equipos xogan....!!!

Cando dous equipos xogan o resultado é un bo partido de futbol sala.  M. Andrade con tres xogadores excepcionales: Ruiz ( para min o mellor xogador ourensán de todos os tempos), velo xogar é unha delicia; Pampin, bo amigo, pero ademais un xogador de categorías superiores, impresionante, todo o fai ben, defende, ataca, manda.... para min con Santi e Tizón, os mellores da categoría; e Diego, un xogador de raza pero que ademais sabe xogar moi ben a futbol sala.... a estes tres temos que engadirlle a Guede na portería, quizás o mellor da categoría.

Curiosamente os tres primeiros puideron ser nosos compañeiros, se o Andrade non chega a sair na competición; se iso chega a acontecer....ufffff......menudo espectáculo!!!!!

Nós acusamos (sin que sirva de excusa) algunhas das moitas baixas que tiñamos, faltaban 8 xogadores que facían un equipo mellor ca o que presentamos a xogar, a saber: Congui, Santi, Sabucedo, Pablo, Jacobo, Lois, Luis Angel, Almeida. Precisabamos dous cambios con mais frescura física (tiñamos cambios con calidade pero non físicos) para non fundirnos na segunda parte, porque os anos non pasan en balde, jejeje... E iso foi o que pasou, na primeira parte tivemos moitas e variadas ocasións, a pesar que a primeira foi deles, e poidemos ir ao descanso cunha victoria mais clara, pero entre Guede e o desatino diante da porta fomos ao descanso cunha victoria moi corta.

Na segunda parte foron mellores ca nós, baixamos fisicamente e a entrada de Ruiz cambiou o partido; fomos meténdonos atrás e deixámoslles o control do partido, algo ao que non estamos acostumados.Empatáronnos e despois puido gañar calquera.

En resumen partido vibrante e bonito entre dous equipos aos que lles gusta xogar ao futbol sala. Poucos equipos hai na categoría que teñan ese gusto por xogar. Sorte

Próximo partido na Carballeira ás 18:00 contra o Retiro. Esperamos recuperar xente que nos aporte mais frescura física.  

EN XOGO 13 - LASIDER 4

13-4 ....parece balonmano pero foi un partido de futbol sala, bueno, ou algo parecido. A verdade e que teño pouco que decir.Non me gustou o noso partido, moi desorganizados e  moi individualistas... boa pegada e  mala defensa..

O rival deberá mellorar para manter a categoría.

Os arbitros pasaron desapercibidos.

Próximo partido o sábado as 17:00 contra o M. Andrade, partido moi complicado

ES 2001 FS 5 - EN XOGO 8

Xogaba o lider contra o campión, partido complicado. Comezamos mal, de feito tiveron tantas ocasións coma nós, a diferencia é que nos metémolas e eles non...con todo isto 0-3 ao remate da primeira parte, pero resultado engañoso.

A segunda metade foi un desastre, defendemos moi mal e atacamos a duras penas. Puxémonos perdendo 4-3 a falta de dez minutos; a diferencia a partir de ahí estivo na experiencia a hora de xogar eses minutos finais.

Non estamos finos, fáltanos ritmo de xogo pero é normal porque non adestramos... melloraremos cos partidos. O rival, con bos xogadores pero irregular no seu xogo.

Os arbitros, non moi atinados pero sen problemas, excepto na redación da acta.....hai que mirar o que se escribe!!

Próximo partido Lasider as 18:00 na Carballeira.

VICTORIA SIN BRILLO DIANTE DO CERBER, 7-6

Ganar... gañamos, pero xogar...... moi pouco ou nada. Dominamos o partido na primeira metade, e adiantamonos no marcador con relativa facilidade e moita efectividade,en 4 chegadas marcamos 3 goles, así o contrario viuse desarbolado rapidamente.Rematamos a primeira parte gañando 4-1, pero sen brillo ningún, case por inercia; na segunda metade xogamos a ruleta rusa, e por pouco recibimos o tiro de gracia....Mala, mala, mala.... foi a segunda parte, sobre todo a nivel defensivo......para analizala necesitaría moito tempo, e non o teño.

· Ou defendemos, ou ímolo pasar moi mal para gañar partidos...e como teño dito a defensa é actitude, actitude de todos, encaixamos 9 goles en dous partidos, inadmisible........Non podemos pensar so en marcar goles.

· O rival: un equipo organizado que dará sorpresas na liga.

· Os árbitros: gustoume que dialogaran,ese é o camiño; pero non me gustaron na toma de decisións,os criterios deben ser uniformes e iguales para todos.....De todos xeitos, eu son dos que penso que é moi difícil arbitrar, e todos nos equivocamos....eles non influiron no noso desastre de partido, igual que non influiron na nosa derrota da primeira xornada....Hai que deixalos en paz, e que pasen o mais desapercibidos posibles.

Próximo partido en Celanova co ES 2001, rival moi difícil....espero que melloremos as nosas prestacións.