ESTAMOS A 1 PUNTO DA LIGA...despois da victoria 7-2 diante do Outomuro

Hoxe non era un partido doado porque o rival viña moi forte,cunha segunda volta con números de campeón. E así comezou, con moitas dificultades para nós. Intentamos controlar o partido pero non o conseguimos ata o final da primeira parte, de feito adiantáronse dúas veces no marcador.Na segunda parte eles acusaron o desgaste do traballo feito na primeira parte, e foi cando conseguimos facernos co partido e co marcador mais claramente, e facer un xogo mais fluido en ataque.
Fixemos unha segunda parte boa,o feito de ter cambios suficientes fixo que poideramos rotar o equipo e minimizar o desgaste. Boa actitude novamente de todo o equipo, "chapeau" amigos.
Do rival, xa dixera na primeira volta que non ía pasar apuros para salvarse, e os feitos danme a razón xa que vai colocado nos postos altos da clasificación.
Queda pouco( 1 punto) para acadar a liga.....Amigos, temos que facer o último esforzo!!!!
Próximo partido co Dacón dentro de 15 días..... agora temos que descansar porque xa imos vellos e non podemos xogar tanto seguido, de feito os paróns do día do Pai e iste da Semana Santa fanse pensando en nós..." xa temos unha idade ...."!!!
Canto fala a xente...!!!!
"Sólo hay una cosa en el mundo peor que estar en boca de los demás, y es no estar en boca de nadie".. Oscar Wilde
Así que, seguide dándolle ao pico.

BOA TARDE, BO PARTIDO E BOA VICTORIA EN AVIÓN 3-7

Presentábasenos un partido nada doado de xogar...viaxe ata Avión (menos mal que estivo unha tarde de sol)e rival incómodo.O bo é, que xa iamos mentalizados e concentrados para non levar sorpresas.
O partido deixámolo sentenciado na primeira parte co resultado de 1-6 e un xogo bastante fluido en ataque, con xogadas de mérito.. ainda así fallamos ocasións claras e David tivo que parar dous dobles penaltis.
Na segunda parte eles apretaron mais e nos volvémonos mais conformistas... esta metade estivo mais igualada,de feito perdémola 2-1.. intentamos controlar o xogo pero por momentos estivemos despistados, mérito que hai que darlle ao rival... O certo é, que o resultado nunca peligrou e logramos tres puntos mais nun campo nada fácil.
Teño que destacar a implicación dos nosos xogadores,todos enchufados(os que xogaron mais é os que xogaron menos) e facendo un bo futbol sala, sobre todo na primeira parte.
 O rival, ten varios xogadores con calidade e talento, sorpréndeme que non  vaian mais arriba.... baixo a miña humilde opinión(non é crítica, é consello) deberían ser mais equilibrados en defensa, e aproveitar a calidade que ten para xogar mais como equipo, porque as individualidades son mais fáciles de defender... se conseguen equilibrarse en ataque-defensa serán un equipo da parte alta da taboa.... moita sorte!!


Próximo partido co Outumuro na Carballeira, un rival que ven moi forte nesta segunda volta...teremos estar moi concentrados para seguir gañando....Se algo caracterizou sempre a iste equipo é o orgullo.....Por iso, "canto mais nos golpeen, mais fortes nos farán".

IMPORTANTE VICTORIA EN CEA...... 2-8 DIANTE DA CORNA

As cousas non pintaban moi ben, tiñamos baixas impotantes: Temes, Sabucedo, Tizón...., xogadores decisivos e titulares en calquera equipo....pero o resto do equipo estivo moi implicado e enchufado no partido. Era un partido complicado, pero sacámolo adiante nunha boa segunda parte.
O partido estivo dominado no ritmo de xogo todo o partido, non así no marcador, porque a primeira parte rematou 2-2. Na segunda metade o rival aguantou ata que marcamos o terceiro e o cuarto, a partir de ahí acabouse o partido.
Dominamos e xogamos a ratos pero a circulación do balón foi lenta, abusamos do xogo individual por momentos e sempre quixemos entrar co balón na portería.O rival fixo coma tantos, por  non decir coma  todos nesta liga... colocarse moi atrás e esperar os nosos erros; aproveitaron os poucos que tivemos.


Próximo partido dentro de dúas semanas en Avión....partido complicado...como case todos.
Quedan catro partidos, catro finais que temos que gañar. Xa sabedes que se gañamos non temos mérito ningún, e se perdemos estamos acabados........" é o que hai"

EN XOGO 3 - SOBRADO 2

Voltamos a ascender a Autonómica.....e van.......n +1. A verdade é que non vos notei moi entusiasmados, jajaja.....seguro que moitos nin o sabiades, que pouco interés!!!! jaja...nin cava, nin cea...
Fixemos un partido malo, moi malo...
O resumen do partido: 3 puntos..

Próximo partido en Cea, diante da Corna, un dos dous equipos que nos gañou este ano, partido difícil,coma todos para nós...
Xa sabedes que o único obxectivo que teñen algúns equipos e gañarlle ao En Xogo

VICTORIA IMPORTANTE EN CARBALLIÑO....Feás 5- En Xogo 6

Partido de alta tensión na central de Carballiño, o Feás vendeu cara a derrota amparado nos seus porteiros e no autobús que puxeron diante da súa portería.
O partido foi coma o asalto a unha  fortaleza, os rivais fixéronse fortes na liña de 9 metros,defenderonse con uñas e dentes e lanzaron unhas contras moi rápidas, que nos fixeron moito daño.Fomos sempre a remolque no marcador e iso beneficiaba o seu xogo;rematamos a primeira parte perdendo 2-1, despois de estrelarnos contra o porteiro e os paos,  puxeronse 3-1 nada mais comezar a segunda parte, e acabaron perdendo 5-6 a falta de 2 minutos, xusto premio para a nosa fe e intensidade.
Penso que nos equivocamos na forma de atacar o muro que nos plantexaron, moitas xogadas individuais e pouco xogo, movemos o balón lento, moi lento,con demasiada condución...e replegamos ainda mais lentos,  as súas contras foron mortais.
Os rivais forman un equipo moi complicado, con 3 ou 4 xogadores de moita calidade, veteranos e que saben de que vai este xogo, pero onte non tiveron mais remedio que defenderse, e fixérono moi ben, con moita intensidade e moitas axudas...a miña dúbida é se defenden sempre así, ou é porque era o En Xogo?.....Se o ano pasado gañaron a liga foi por algo!!!!
Os arbitros, sen influir directamente no resultado, non deixaron contentos a ningún equipo...de todos xeitos era un partido moi complicado de arbitrar..


Próximo partido contra o Sobrado na Carballeira...partido complicado, e confiemos en que teñamos mais xogadores dispoñibles...

BOS SAMARITANOS 8 - LASIDER 7......sempre facendo amigos

Comeza o partido co dominio, coma sempre, do noso equipo, e rapidamente puxémonos 2-0, bo xogo e ocasións en 19 minutos da primeira parte que  levaron o marcador ata un 5-1 contundente.... o que pasou no último minuto é un expediente X, dous "regalos" apretaron o marcador ata o 5-3 do descanso...había que darlle emoción...????

Na segunda parte comezamos mandando de novo e impoñendo o noso xogo, moito balón e dous goles mais colocaron o marcador nun 7-3 case definitivo, o contrario estaba resignado a súa sorte....pero, cando faltaban 9 minutos co partido controlado e dormido....comezou o noso recital, primeiro un penalti inexistente e deseguido un carrusel de despropósitos levaron o marcador a un empate 7-7 faltando 4 minutos........q pasou neses 5 minutos???    está o CSI investigando ..... volvemos apretar, e Tizón( 5 goles) decidiu o partido cun gol marca da casa 8-7, despois sacaron porteiro-xogador e tivemos dúas ocasións claras, pero....gústanos o perigo.

Volvemos vivir no arame...os regalos sobran. Un penalti, por moi discutido que sexa, non nos pode sacar dun partido que tiñamos que gañar coa gorra....Defendemos coa vista e baixamos os brazos pensando que o partido estaba gañado...Quizais xa non temos o espíritu asesino para matar ao rival  moribundo, mais ben parecemos misioneiros, facendo amigos e regalos....Ter so dous cambios é un atenuante, pero non pode ser unha escusa..

 En contra nosa é moi doado pitar....Para min(sei que o árbitro non estará dacordo comigo, porque é apreciación), dous erros que nos puideron costar o partido: o penalti inesixtente (o rival preguntaba : "que pitou?") e a retención de balón ( moi clara, eu estaba a un metro) no chan ao borde da nosa área foi previa a unha "posible" patada do noso xogador( débese pitar a primeira infracción), faltaba 1 minuto ..... arbitar é moi complicado, eu creo na súa imparcialidade, ainda que as veces me fagan dudar... Sempre intento entender o porque das súas decisións, creo no diálogo, e considérome unha persona correcta, pero non todo o mundo é igual; hai uns poucos partidos, un xogador rival tiña que ser expulsado, e perdoáronlle a clara expulsión...dous partidos despois agrediu a un árbitro....Hai cousas que non se poden tolerar, e unha cousa é protestar e outra a mala educación e os malos modos...por iso hai cosas que non entendo.

Próximo partido en Carballiño diante do Feás, rival complicado, sempre se nos deu ben pero nese campo sempre houbo factores externos que non podemos controlar...

VAIA PUNTERIA..!!! victoria 2-5 diante do Retiro

Non andamos finos cara o gol dende hai varios partidos, ( Tabodela, ES, Pijú, Retiro ), oportunidades  incontables e infinidade de remates que non conseguimos meter na portería.

O partido de onte foi algo así....se este xogo fose darlle ao porteiro houbesemos metido moitos goles....porque o rapaz fixo moitas paradas de mérito, pero cantas lle tiramos ao corpo, a cabeza, ao traseiro, ao tobillo , as mans??...esquecemos que este xogo consiste en meter a boliña na portería; e de vez en cando rizamos o rizo, adornándonos...pero en xeral o xogo foi fluido, con bos movementos.

Non se podía creer que fosemos so 0-1 na primeira parte, e que faltando 5 minutos se puxesen 2-3, o marcador era apretado pero non o xogo nin a sensación de perigo........ o certo era que os nosos erros puidéronnos levar a complicarnos o partido....Esperemos recuperar a puntería pronto.

O rival, ben pertrechado atrás, fixo o seu partido, e ao final asustounos......son moi boa xente, compiten noblemente,e danlle sentido a que isto é un deporte, e que ao final o que te levas de isto son os amigos...

Os colexiados na súa liña, non deixan contentos a ninguén......cando se daran conta de que os protagonistas disto son os xogadores e non eles???. de todo este circo son os únicos que cobran..

ÁNIMO AVÓS....!!!!!

Foi un partido malo,moi malo...pero só un partido. Din que as mellores plumas fan un borrón de vez en cando, este foi un borrón...porque podemos perder,claro que sí, pero non así....así non...

Si é certo que nos faltaba moita xente importante (Luis Angel, Tizón, Marcos, David, Santi.....), que algúns xogamos coxos(Sabucedo, Kike..)e que outros volvían ao equipo despois de moito tempo(Suso, Oscar Gil....) pero non vale de escusa porque o rival estaba igual ou peor.... tiñamos que competir mellor, moito mellor...
Este equipo ten unha historia longa e chea de feitos que, cando te acordas deles saeche un sorriso...esto é o mellor que me levo eu do futbol sala, xunto cos amigos. Estamos acostumados a vivir (xogar) o borde do arame con moitos partidos ao límite, sobre todo na copa( en 9 anos: 3 titulos, 2 finais,3 semifinais, 1 cuartos....) aparte das ligas....
Quero decir con isto, que estamos acostumados a gañar, e non  a perder, e polo tanto quédanos un regusto amargo na derrota......Perdemos partidos, ligas, copas, e aquí seguimos, con mais de 40 tacos, xogando cada semana ata que o corpo aguante...e seguiremos gañando e perdendo partidos( non podemos gañar sempre), pero sempre debemos sair do campo coa sensación de que o demos todo....Se non fosemos tan competitivos, con estes anos, xa non estariamos aquí.....
Coñézovos ben e sei que non teño que animar a ninguén, pero isto digoo sempre..... ÁNIMO AVÓS    

VICTORIA DO "PIJU" 3-6 POR INCOMPARECENCIA DO "EN XOGO"

Non se presentou a xogar o En Xogo diante do Pijú.Apareceron na Carballeira dous equipos, un vestía de negro, eran poucos e un estaba coxo; e o outro equipo vestía de azul, ao comezar parecían os do En Xogo, pero os poucos minutos descubrimos que eran uns impostores.......onde estaban os orixinais???, ainda agora non se sabe deles, é un misterio.....
Os de negro xogaban o trote, porque lles ía ben, tiñan algún coxo......e os de azul case dan dous pases seguidos unha vez.....lamentable; non foron nin capaces de correr para desgastar aos de negro.
Din que os de azul tiñan moitas baixas.....é que??? os de negro tiñan mais. En resumo pouco que comentar dun partido da terceira local (que xa non existe)..entre dous históricos das ligas ourensáns.¿A que deporte  xogaron?...Nin idea

Próximo partido en Outomuro diante do Retiro.......esperemos que esta vez se presenten a xogar os de azul

VICTORIA 2-7 EN CELANOVA diante do ES 2001

Presentábase un partido difícil  en Celanova, rival duro e nós pouca xente, pero resultou que eles estaban mais xustos ca nós, e nós recuperamos algún xogador a última hora..
O partido empezou cun gol fallado a porta baleira (isto sóname de algo...)...e así seguiu, imprecisións e mais imprecisións; que se perdo un pase, que se regalo un balón, que se non replego, que se fallo unha ocasión, que se fallo outra...e chegamos ao descanso con 0-2, pero o mellor xogador noso foi Congui, con dúas ou tres paradas de mérito, e  deles tamén o seu porteiro...A segunda parte non foi moito mellor,pero parecía que queriamos xogar algo mais e aos dez minutos iamos 0-5, entón empezamos a sestear, e con dous regalos 2-5  apretamos algo o marcador....Eles, con cinco xogadores e varios tarxeteados, xogaron a ruleta rusa...primeiro nun remate de volei perdonáronlle a segunda a Iglesias (dixeron os colexiados que fora involuntaria.....jaja) e despois, ao mesmo xogador, cun agarrón xa non puideron perdonarlle a segunda, a falta de seis minutos..eles sen cambios e cun xogador menos encaixaron dous goles mais, e a falta de tres minutos con outra expulsión e unha lesión rematou o partido.....


Gustoume: a implicación dalgúns xogadores co equipo, porque a pesar das cargas familiares e diferentes problemas personais, fixeron un oco para vir xogar


Non me gustou nada, nada, o xogo do equipo.Había tempo que non xogabamos tan mal, de feito non xogamos a nada; o xogo parecíase moi pouco ao fútbol sala que facemos ou intentamos facer a maioría das veces.


Próximo partido contra o Pijú, casi nada, para min, é o equipo, xunto co noso que mais calidade atesora nos xogadores, un superequipo, que non está mais arriba porque lles pasa coma nós, cumplen anos e hai demasiadas cargas familiares....en condicións "normais" ( dispoñendo sempre dun mínimo de xogadores) estarían moi arriba. Un equipazo, que xoga coma poucos a futbol sala
 O partido sérá o sábado na Carballeira